web counter
LEXO PA REKLAMA!

SHKARKO APP

App Store
Google Play

Kulluri: “Spiuni” cënon interesin kombëtar, u fut qëllimisht në negociata

1 Mars 2018, 19:25, Politikë CNA

Pas akuzave se Artur Meçollari, është një ?spiun? në grupin negociator të Ministrisë së Jashtme, ka reaguar dhe anëtari i Këshillit Kombëtar të Partisë Demokratike, Edvin Kulluri.

Në një intervistë të dhënë për ?Panorama?, Kulluri e cilëson person të dyshimtë ushtarakun Meçollari dhe shton se ai është futur qëllimisht në grupin negociator.

?Ministrja së bashku me Shefin e Shtabit duhet të jenë të informuar vazhdimisht. Përse është larguar zotëria? Sepse për secilin ka një dosje ku është shënuar gjithçka. Por këtu kemi të bëjmë me një tjetër fakt të rëndë. Z. Meçollari ka qenë në një proces gjyqësor me ministrinë. Në përfundim të një shkalle gjykimi, nëse rezulton se ai e ka fituar, atëherë ministria duhej ta vazhdonte procesin në Gjykatën e Apelit.

Në dijeninë time, çështja nuk është apeluar dhe zotëria është kthyer në punë në vitin 2014 në kushte të paqarta. Pra, nuk janë ndjekur interesat e institucionit, por ato të partisë në pushtet. Është kthyer në punë në kushte shumë të paqarta ligjore. Kthimi i z.Meçollari është shumë i dyshimtë. Kujtojmë, që bëhet fjalë për një çështje të rëndë siç është cenimi i interesit kombëtar. Në gjykimin tim, është futur me koshiencë nga ministrja aktuale dhe shefi i Shtabit në grupin e punës?,- u shpreh Edvin Kulluri. /CNA.al





Lajmet e fundit nga