web counter
LEXO PA REKLAMA!

SHKARKO APP

App Store
Google Play

Marrëveshja e detit/ Bushati asnjë informacion Metës për takimet e fundit

1 Mars 2018, 18:04, Politikë CNA

Detaje të reja janë publikuar nga komunikimi i Presidentit Meta me ministrin e Jashtëm, Ditmir Bushati mbi negociatat për kufirin detar me Greqinë.

Burimet për Report TV bënë me dije se gjatë dy letrave që Bushati i ka dërguar Metës, nuk ka pasur të dhëna për dy takimet e fundit Bushati-Kotzias, atë e Kretës dhe atë e Korçës.

Në dosjet dërguar Metës, Bushati ka dhënë detaje për takime të mëparshme dypalëshe Shqipëri-Greqi, por jo mbi dy takimet e fundit, pas të cilave u bë e ditur dhe marrëveshja për detin.

Report TV ka mësuar gjithashtu se ministri i Jashtëm, Bushati i ka vendosur në dispozicion Metës një raport studimor të një agjencie amerikane se si mund të zgjidhet konflikti detar me Greqinë, bërë për llogari të Ministrisë sonë të jashtme, në kohën kur këtë dikaster e drejtonte Edmond Haxhinasto, mes viteve 2010-2012.

Gjithashtu Bushati i ka thënë Presidentit Meta se e ka lexuar studimin e plotë të raportit të amerikanëve, ndërsa ka thënë se formula për kufirin detar nuk do të jetë ajo që sugjeron ky raport. /CNA.al





Lajmet e fundit nga