web counter
LEXO PA REKLAMA!

SHKARKO APP

Kokaina në Maminas/ SHBA të shqetësuar, Lu jep alarmin

28 Shkurt 2018, 17:52, Politikë CNA

Pas kapjes së mbi 600 kilogramë kokaine të fshehur në një kontejner në Durrës, kanë reaguar ambasadorët ndërkombëtar në Tiranë.

Ndërsa kanë shprehur përgëzime ndaj policisë dhe doganës për operacionin, ata kanë theksuar se ky operacion është tregues i vigjilencës së Policisë së Shtetit.

Ambasdori i SHBA-ve, Donald Lu, përtej përgëzimeve ka ngritur shqetësimin se trafikimi i kokainës dhe drogave të tjera është në rritje.

“Ambasada e Shteteve të Bashkuara dhe Administrata Anti-Drogë e Shteteve të Bashkuara (DEA) përgëzojnë Policinë Shqiptare të Shtetit për kapjen e 614 kilogramë kokainë kolumbiane dje në Durrës. Kjo është sasia më e madhe e kokainës apo heroinës që është kapur prej vitesh. Është një tregues pozitiv i vigjilencës së policisë, por edhe një shenjë shqetësuese se trafikimi i kokainës dhe drogave të tjera është në rritje. Shtetet e Bashkuara do të vazhdojnë të ndihmojnë dhe mbështesin përpjekjet në zbatimin e ligjit për të parandaluar trafikimin e drogave në Shqipëri dhe për të arrestuar personat përgjegjës”, shkruhet në deklaratën e plotë të ambasadorit Donald Lu. /CNA.al

 





Lajmet e fundit nga