web counter
LEXO PA REKLAMA!

SHKARKO APP

App Store
Google Play

Bisedimet me Greqinë/ Pse s’ka transparencë për këtë çështje?

28 Shkurt 2018, 10:00, Politikë CNA

Ministri i Punëve të Jashtme, Ditmir Bushati, ishte i pranishëm sot në një seancë dëgjimore të thirrur nga Komisioni për politikën e jashtme për të dhënë sqarime në lidhje me bisedimet me Greqinë.

I pyetur nga opozita, se pse nuk ka transparencë në lidhje me këtë çështje, Bushati tha se ?Kushtetuta dhe ligji është shumë i qartë në këtë pikë. E para nuk ka një marrëveshje. Do krijojmë platformën edhe për shoqërinë civile. Opozitën e keni në Kuvend. Por po ju them që marrëveshje nuk ka.?

Gjithashtu ai tha se Presidenti në bazë të ligjit nuk jep plotfuqishmërinë.

?Presidenti jep autorizimin, plotfuqishmëria është kompetencë e ministrit të punëve të Jashtme. Unë i kam kërkuar dhënien e autorizimit Presidentit të Republikës, për të filluar punën konkrete. Se synojmë të arrijmë një marrëveshje.? ? tha ndër të tjera Bushati.

Po ashtu Bushati theksoi se “Është bërë leximi i qëndrimeve të palëve në nivel teknik në 2014-n dhe në 2017-n krahas mekanizmave të tjera diplomatike. Me sistemimin e të gjitha çështjeve që ne ende i kemi të hapura me Greqinë, me ulje ngritje e marrëdhënies me fqinjin, rruga për një marrëveshje të re nuk ka qenë aspak e lehtë.” / CNA.al





Lajmet e fundit nga