web counter
LEXO PA REKLAMA!

SHKARKO APP

App Store
Google Play

Kërkesa e PD për ndryshimet kushtetuese/ Bylykbashi: Të ndërpritet mandati i Markut

27 Shkurt 2018, 09:25, Politikë CNA

Mbledhja e përbashkët e Komisionit të Ligjeve dhe Këshillit të Legjislacionit, është shoqëruar me debate mes mazhorancës dhe opozitës, lidhur me kërkesën e kësaj të fundit për ndryshimin e Kushtetutës për zgjedhjen e prokurorit të ri të përkohshëm dhe mbarimin e mandatit të Arta Markut.

Gjatë fjalës së tij deputeti i PD-së, Oerd Bylykbashi tha se seanca e 18 dhjetorit, datë në të cilën u zgjodh edhe kryeprokurorja Arta Marku ishte një ndër situatat më të paprecedente.

Bylykbashi ndër të tjera tha se ?Jemi në momentin më të rëndësishem të vendimmarrjes e cila duhet të përmbledhe dhe përgjegjshmërine e parlamentit shqiptar. Janë propozime që zgjidhin ngërcin e krijuar. Seanca e 18 dhjetorit ka paraqitur një ndër situatat më të paprecedentë lidhur me kushtetutshmërinë e shtetit shqiptar.?

Sipas Bylykbashit, një antikushtetutshmëri po con në një antikushtetutshmëri tjetër.

?Ta vëmë në shinë kushtetutese procesin e hetimeve penale. Të evitojmë që në të ardhmen e afërt jo të largët sistemi i prokurorisë të mos hyjë në një vale tërmetesh. Propozimi ynë është te kthejme Prokurorin e Pergjithshem ne shinen kushtetuese. Ti nderprejme mandatin prokurorit te zgjidhur ne mënyrë antikushtetuese.?- deklaroi deputeti i PD.

Ndërkohë, Alket Hyseni tha se: ?Prokurori i përkohshëm u zgjodh ne menyre transparente dhe kushtetuese?./ CNA.al





Lajmet e fundit nga