web counter
LEXO PA REKLAMA!

SHKARKO APP

App Store
Google Play

Hapja e negociatave/ Majlinda Bregu: Mund të pengohet nga Gjermania

26 Shkurt 2018, 19:54, Politikë CNA

Vizitën e Presidentit të KE, Jean Claude Juncker, shoqëruar nga Komisioneri për Zgjerimin Johanes Hahn, ish-ministrja e Integrimit Majlinda Bregu e sheh si një hap pozitiv për vendin.

Në një prononcim për Top Channel, Bregu është shprehur se ?po të bësh krahasimin ndërmjet deklaratës së parë të Juncker kur ishte tërësisht i ftohtë ndaj procesit dhe vizitës së tij në Ballkan, ka një ndryshim thelbësor?.

Ndërsa për deklaratën e Juncker i cili nuk rekomandoi një datë për çeljen e negociatave, Bregu shprehet ?Nuk besoj se i takon presidentit të bëjë lajmin pa përfunduar raporti që Komision dorëzon në prill?.

Nëse rekomandimi bëhet në prill është Gjermania ajo që duhet bindur të votojë dhe për shkak të situatës së brendëshme politike të Gjermanisë, qershori duket i rrezikuar.

?Gjermania, për shembull, është ende në procesin e formimit të qeverisë së saj që do të thotë më pas Parlamenti gjerman apo Bundestagu që jep mendimin do t?i duhen jo më pak se 8 javë që do të thotë dy muaj.

Për shumë arsye dhe për qëndrimin e vendeve tjera unë shpresoj shumë që periudha e qershorit të jetë një dritë jeshile për çeljen e negociatave, por nëse vendimi merret në qershor apo në dhjetor nuk besoj se sot këtë mund ta thotë dot kush me siguri?, thotë ish-ministrja e Integrimit.

Bregu thotë se forcimi i shtetit ligjor dhe zero konflikte me fqinjët janë detyrime të pashmangshme, pasi nga Ballkani Perëndimor po kërkohen partnerë dhe ata nuk duhet të jenë problematikë. /CNA.al





Lajmet e fundit nga