E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Debate në parlament/ Përplasen Basha dhe Xhafaj

26 Shkurt 2018, 12:59, Politikë CNA

Seanca e sotme në Kuvendin e Shqipërisë është shoqëruar me debate në lidhje me ligjin për Vettingun në polici.

Ndërsa kreu i PD-së Lulzim Basha i ka kërkuar mazhorancës të miratojë amendamentin e opozitës për t?i shtuar ligjit të vettingut në polici edhe vettingun ndaj ministrit, kreu i ministrisë se Brendshme, Fatmir Xhafaj i ka kërkuar të mos etiketojë 10 mijë policë.

Me tej, Xhafaj ka sfiduar opozitën, duke i popozuar të sjellë ligjin në parlament se do ta votojë.

?Mos harroni nëse flasim për 50 vepra penale, në 2010-ën ishin 118 të tilla. Në 2011 -124, në 2012- 126 vrasje. Sot po flasim për 50 të tilla, prapë janë shumë. Ka apo nuk ka siguri, ka apo nuk ka parandalim të krimit. Ju më cituat raportet ndërkombëtare. Tani do ju citoj raportet tuaja.
Ajo që po bëjmë është po ia nënshtrojmë një analize të thellë gjithë këto dukuri dhe kemi gjetur një instrument të rëndësishëm që do ta bëjë këtë skanim për pastrimin e tyre dhe promovimin e njerëzve me dinjitet e integritet dhe profesionistë. Nuk është një shpikje shqiptare?Unë nuk i lëviz asnjë presje asaj që kam thënë, është një gjë shumë e mirë, thjesht duhet ndryshim kushtetute, merre iniciativën, merre, për sa i përket çështjeve, ki durim, duhet të kesh më shumë durim, që të presësh, edhe për atë që ke kohë që flet, për SPAK, BK, edhe aty duhet bërë ndryshim që procesi të nisë së pari nga mua dhe nga ty, përfshirë familjet tona, rrethin familjar, pasuritë tona. Do e marr unë iniciativën shumë shpejt, do e shohësh rezultatin, ki durim zoti Lulzim?, tha Xhafaj.

Pas fjalës së Xhafaj ka reaguar menjëherë kryedemokrati Basha, i cili tha se opozita nuk impresionohet nga sjellja e tij prej ish-hetuesi të sigurimit.

?Fatmir unë e kuptoj që shkollën e ke bërë në kohën e komunizmit. Hetues ke qenë por sot harroje se mund të impresionosh mua apo opozitën duke u sjellë si hetues i komunizmit. Harroje! Lëri dërdëllimat këtu, këtu në ligj fut vettingun e ministrit. Mos na bëj si gardian i Kushtetutës. Ti ke ndryshuar kodin e procedurës penale që yt vëlla të mos ekstradohet. Eja këtu dhe jep përgjigje. Por s?ke si të japësh përgjigje se je vendosur aty si Tahiri, me cen që të kontrollojë kapobanda. Edhe ti e kontrollon kapobandën, të gjithë e dinë se ca materialesh kompromentuese ke për të. A ka shqiptarë të besojë që kështu do luftohet mafia duke vënë figurat kryesore të mafies për të bërë vettingun e policisë? Mos u skuq e mos u zverdh, prano amendamentin e opozitës sot. Pasuria ime dhe e familjes sime është e verifikuar. Hiq dorë nga metodat e sigurimit të shtetit?, deklaroi Basha.