web counter
LEXO PA REKLAMA!

SHKARKO APP

App Store
Google Play

Zbardhet çfarë bisedoi Basha me eurokomisionerin Hahn

26 Shkurt 2018, 17:22, Politikë CNA

Kryetari i Partisë Demokratike, Lulzim Basha, ka zbuluar se çfarë bisedoi ai në takimin e zhvilluar mes tij dhe eurokomisionerit për zgjerim në BE, Johannes Hahn.

Nëpërmjet një postimi në rrjetet sociale, Basha thotë se i ka dhënë mbështetje të plotë komisionerit Hahn për hapjen e negociatave dhe i ka kërkuar që të ndikojë me një rekomandim pozitiv.

“I shpreha Komisionerit Hahn mbështetjen e plotë për hapjen e negociatave dhe e nxita për të ndikuar për një rekomandim pozitiv nga Komisioni. Theksova se pavarësisht problemeve të keqqeverisjes në vend, shqiptarët aspirojnë për të qenë pjesë e BE dhe kanë përqafuar vlerat e BE.”, – shkruan Basha.

Më tej ai është shprehur se, “Opozita mendon se hapja e negociatave do të ofrojë një mekanizëm të fortë dhe të pavarur për monitorimin e nivelit të demokracisë, respektimin e të drejtave të njeriut dhe të cilësisë së qeverisjes në Shqipëri.”

Kryedemokrati Lulzim Basha shkruan se ka siguruar komisionerin Hahn, për një luftë të pakompromis ndaj krimit dhe korrupsionit.

“E sigurova Komisionerin për vazhdimin e angazhimit pa kompromis të opozitës për luftën kundër krimit, kundër korrupsionit, zbatimit në mënyrë kushtetuese dhe të paanshme të reformës në drejtësi dhe plotësimin e kritereve të tjera për hapjen e negociatave.
Gjithashtu theksova se ne jemi të vetëdijshem se vendet anëtare të BE kërkojnë prova dhe rezultate konkrete dhe PD do të luajë rol te rëndësishëm për arritjen e tyre.”, – deklaron Basha. /CNA.al





Lajmet e fundit nga