E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gafa e Bashës dhe dënimi për vëllain e Xhafës

27 Shkurt 2018, 12:03, Politikë CNA

Në një fjalim në parlament këtë të hënë kryetari i PD, Lulzim Basha deklaroi: vëllai në trafikun e heroinës, ministri refuzon vettingun. Kryetari Basha fjalën e kishte për Agron Xhafën vëllain e Fatmir Xhafës, ministrit aktual të brendshëm të Shqipërisë.

Faktikisht Agron Xhafa vite më parë është marrë me trafik ndërkombëtar drogash të Klasit A, por ai është marrë me trafik kokaine direkt nga Amerika Latine jo me trafik heroine. Për këtë trafik kokaine Agron Xhafa dhe anëtarë të tjerë të grupit të tij të strukturuar kriminal janë dënuar dhe kanë bërë burg në Itali. Në median shqiptare janë botuar gjerësisht materiale të dosjes gjyqësore italiane, ku e zezë mbi të bardhë shkruhet emri i Agron Xhafës si narkotrafikant ndërkombëtar kokaine. Nuk ka pikë dyshimi, që kryetari Basha për këtë punën e heroinës së Agron Xhafës ia ka futur si kau pelës! Fatkeqësisht edhe Gazeta RD, një gazetë serioze tashmë 27 vjecare duke e marrë të mirëqenë brockullën e Bashës pasqyron në faqe të parë (2 herë madje) faktin e rremë se vëllai i ministrit Xhafa merret me heroinë!

Gafë apo bashkëpunim me Ramën?

Në këtë mesele të Bashës në Kuvend e vetmja pikëpyetje është, nëse ciftëzimi i Gon Xhafës me heroinë në vend të kokainës është gafë nga padija dhe shkujdesja ekstreme e Lulzimit për të verifikuar faktet para se të brockullisë në Kuvend, apo është e qëllimshme për të relativizuar e bërë qesharake akuzat reale të bashkëpunimit të vëllezërve të ?rilindasve? me trafikun e kokainës apo kanabisit. Ka shumë të ngjarë, që të jetë ky varianti i dytë, sepse ka një seri veprimesh konstante nga Basha dhe deputetë zarë të tij, që duke bërë gafa në denoncimin e trafiqeve të drogës të ?rilindasve?, thjesht i relativizojnë këto trafiqe.

Kujtojmë këtu se nja një vit më parë, kur në Ankona u kapën 8 ton kanabis të ardhura nga Porti i Durrësit, deputetja e Bashës, Grida Duma doli në konferencë për shtyp dhe akuzoi Ramën për kalimin e tetë tonëve drogë nga Aeroporti i Durrësit(Sic!) Një gafë e tillë i mjaftoi medias së ?Rilindjes? duke filluar nga gazetari i shquar Mero Baze e me rradhë, që në vend të vinin alarmin për trafikimn e tetë tonve drogë me një dorë të vetme, merreshin me gafën e deputetes.

Për turp të Zotit, deputetja në fjalë ishte durrsake, lindur e rritur në Durrës, deri në moshë madhore, por nuk e dinte, që Durrësi ka port jo aeroport. Në këtë rast pak e vështirë, që një gafë e tillë të justifikohet thjesht me preteksin e tipit dihet që G.D. është kokrra e bibës e të tilla gafa do bëjë!

Basha vetë në parlament mëse një herë e ka sulmuar Xhafën ministër se Xhafa narkotrafikant ka bërë burg në Itali për kokainë, atëhere si kësaj radhe kokaina na u shndërrua në heroinë nga ky ?alkimist? i politikës shqiptare?!?!?!

Mos vallë marrëveshja me Ramën për daljen nga cadra vazhdon ende?!?! Mos vallë Lulzim Basha është një Nostradamus i shekullit tonë, që parashikon saktësisht se me vënien në funksionim të Aeroportit të ri të Vlorës trafikun e heroinës në Linjën Stamboll-Tiranë do ta mbulojë Xhafa Agron për hesap të Xhafës Fatmir, ministër i punëve të brendshme. Ky mbulim do të jetë njëlloj sic akuzon Berisha Ramën, se Olsi u përzie me kokainën e Xibrakës për llogari të Ramës Edvin, kryeministër dhe kryerilindas i Arnautistanit!?!?!?!?!

Shumë i çuditshëm Basha, që ngatërron heroinën me kokainën e vëllait të Xhafës!/ GJERGJ THANASI