Zamira Çavo: Ja pse Basha duhet të japë dorëheqjen

27 Shkurt 2018, 14:10, Politikë CNA

Profesoreshë Zamira Çavo ka sulmuar ashpër kryetarin e PD, Lulzim Basha.

Në një postim në rrjetet sociale, Çavo i kërkon Bashës të japë dorëheqjen nga drejtimi i PD.

Çavo thekson se me Bashën në krye të PD, Rama dhe qeverisja e tij e kanë jetën të gjatë në kurrizin e shqiptarëve.

Ndër të tjera ajo thekson se Basha në fjalimet e tij nuk gjeti asnjëherë një argument që të bëhet i besueshëm në publik.

?Dhe mos më thoni se ?përse merrem me ju dhe jo me Ramën?. Merrem me ju dhe ua kërkoj publikisht dorëheqjen nga drejtimi i Opozitës politike pasi jam e bindur se ka ardhur koha e ?dhënies llogari?- shkruan më tej Çavo.

Postimi i plotë:

Dy fjalë për z Basha,
E kuptoj dëshirën tuaj për të folur cdo ditë. Në fund të fundit është e vetmja gjë që po bëni. Por nuk kuptoj se si cdo ditë përsëritni të njëjtat fraza dhe bëni të njëjtin gabim në diskurisn tuaj; recitoni të njëjtat fjalë edhe pse e kanë humbur përmbajtjen e tyre me kohë. Sigurisht si ciklistët edhe ju e dini se nëse nuk pedaloni vazhdimisht mund të rrëzoheni, por ama duhet të mendoni edhe pak më shumë për inteligjencën e atyre që u dëgjojnë.

?Ka ardhur fundi i qeverisë së krimit dhe korrupsinit, ?sot është fundi i tyre? e të tjera gjepura si këto që kemi pesë vite që i dëgjojmë nga goja tuaj!
Z. Basha, si nuk gjetët asnjëherë një argument që të bëheni i besueshëm në publik? Si nuk gjeni një ide politike që t?ju bëjë bashkë si opozitë në betejën tuaj politike? Vërtetë mendoni se me shfaqe dramatiko-komike do bëni opozitë? Mirë që nuk keni një vizion të qartë politik, por të pakëtn një lider duhet të ketë busullën e tij të orjentimit politik! Juve ju mungojnë të dyja. E dini pse? Sepse gjuha juaj politike është tejet e varfër, sepse argumentet tuaja politike janë të vakta (edhe kur mezi gjenden), sepse impostimi tuaj publik është gati komik, sepse ju nuk po dini të ngrini një ekip ku serioziteti dhe jo sharjet e mallkimet të zenë vendin kryesor!
Z. Basha, Shqipëria ka nevojë për një Opozitë reale, të fortë e me vizion. Ju nuk mund ta drejtoni këtë Opozitë. Janë të mjaftueshëm vitet për ta vërtetuar këtë! Me ju dhe opozitën tuaj Rama dhe qeverisja e tij e kanë jetën të gjatë në kurrizin e shqiptarëve.
Dhe mos më thoni se ?përse merrem me ju dhe jo me Ramën?. Merrem me ju dhe ua kërkoj publikisht dorëheqjen nga drejtimi i Opozitës politike pasi jam e bindur se ka ardhur koha e ?dhënies llogari? . Ju as nuk mund të kërkoni llogari, por as nuk dini ta bëni këtë.