web counter
LEXO PA REKLAMA!

SHKARKO APP

App Store
Google Play

Plotfuqishmëria për bisedimet me Greqinë/ Bushati: Meta e ka kuptuar gabim

28 Shkurt 2018, 09:54, Politikë CNA

Komisioni për politikën e Jashtme ka thirrur sot në një seancë dëgjimore, ministrin e Jashtëm, Ditmir Bushati, për të dhënë sqarime në lidhje me bisedimet me Greqinë.

Në seancën e zhvilluar tek salla e byrosë ministri Bushati, tha se ende nuk ka një marrëveshje me Greqinë dhe sqaroi se plotfuqishmërinë nuk e jep Presidenti i Republikës, por ai jep vetëm autorizimin për nisjen e punës për negociatat.

?Qëndrimi i palës greke ka qenë thuajse konstant për të zbatuar marrëveshjen e arritur me Shqipërinë. Qëndrimi ynë gjithashtu ka qenë konstant sipas të cilit vendimi i Gjykatës Kushtetuese është i padiskutueshëm dhe përbën vijën e kuqe të çdo lloj qeverie që do vijë në Shqipëri që kërkon t?i japë një zgjidhje kësaj çështje.?

Po ashtu Bushati ka theksuar se duhet marrë parasysh Konventa e detit, që tregon se si palë të ndryshme i japin zgjidhje këtyre çështjeve.

?Qëndrimet e palëve përsa i përket marrëveshjes së 2009 dihen, dihet dhe qëndrimi i qeverisë së asaj kohe. Ishim forca politike që kërkuam shfuqizimin e kësaj marrëveshje për arsye të cilat janë publike. Dihet qëndrimi i qeverisë nga periudha 2009 deri në 2013. Sot nuk vë njeri në diskutim sot faktin që jemi përballë një vendimi që e bën nul atë marrëveshje.?- u shpreh Bushati.

Ndër të tjera ai theksoi se gjatë 4 vite e gjysëm diskutimesh për këtë çështje, janë bërë diskutime për të kuptuar shqetësimet që kanë palët për këtë proces./ CNA.al





Lajmet e fundit nga