E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kryeministri dhe opozita i bëjnë “fresk” Veliajt/ “Ati ynë që je në bashki, na....

5 Shkurt 2018, 13:59, Aktualitet CNA

Kryebashkiaku i Tiranës Erion Veliaj, është kthyer në makthin e qytetarëve, me reklamat e tij të dështuara, se po punon për kryqyetetin 24 orë në 24.

Analisti Agron Gjekmarkaj, e ka përshkruar këtë makth, pa harruar këtu kryeministrin dhe opozitën, të cilët bien dakort dhe përulen para propgandave nonëse dështake të Veliajt.

Në fakt përmes thumbimit, Gjekmarkaj ka nxjerrë në pah një realitet që tregon se si funksionoojnë klanet politike në Shqipëri, të cilët duke patur prioritet interesat e tyre heshtin përballë anës së errët të Tiranës dhe para qeshjes falso të Eeion Veliajt.

?Veliaj mund të shfaqet në arat e Valiasit, duke cytur qetë me qylaf në kokë e shall mbi qafë e me të njëjtën vëmendje i rëndon plorit. Më pas, i merr erë dheut për të shijuar vlagën e tij. Më vonë, hyn në një kotec me kanistër në dorë e mbledh vezë duke sqaruar, ndarë në dysh, dilemën ?pula vezën, apo veza pulën?! Pasditja mund ta zërë në Mullet, duke pjekur raki ballë kazani e pak më vonë me dajë Cenin, duke kuvenduar në Pezë si rinia duhet të ndjekë shembullin e veterinave.

Kjo është një kohë e jashtëzakonshme! Një fat i madh ka futur turinjtë në shtëpitë tona. Nuk të duhet më për asgjë eksperienca, studimi, dilemat, ëndrrat, sepse kemi Erion Veliajn. Ai të thotë çfarë është e mirë apo e keqe dhe ai e di. Ai të thotë çfarë është e bukur dhe e shëmtuar dhe ai e di. Ai të thotë çfarë të duhet dhe çfarë jo dhe ai e di. Ai të thotë çfarë duhet të mendosh dhe çfarë jo dhe ai nuk ia shtie kuturu. Me të gjitha këto bie dakord qeveria, vetë Kryeministri ynë buzëhollë, me këto bie dakord opozita, e cila nuk ka asnjë fjalë të keqe për të dhe goja iu thaftë, po e nxori.

Dikur kemi menduar se Erion Veliaj është djali i portës përbri, njëri prej nesh, por ai u rrit shpejt u bë mesianik. Mund ta quajmë ?Ati ynë? që na hatron, këshillon e qorton. ?Ati ynë? në kuptimin hyjnor të fjalës, i cili meriton lutjen: ?Ati ynë që je në bashki/ u shenjtëroftë emri yt/ ardhtë mbretëria jote/ u bëftë vullnesa jote/ si në qiell, ashtu dhe në Tiranë/ bukën e përditshme jepna sot/ na i fal fajet tona, si i falim ne fajtorët tanë/ e mos na lër të biem në tundim,/ por na liro nga i keqi ? Amen!?, ka shkruar Gjekmarkaj./CNA.al