web counter
LEXO PA REKLAMA!

SHKARKO APP

App Store
Google Play

E fundit!

x

Kryeminsitri Edvin bllokon marrëveshjen e 2013-ës për të burgosurit shqiptarë në Angli

5 Shkurt 2018, 13:37, Aktualitet CNA

Në vitin 2013 Qeveria Berisha nënshkroi një marrëveshje me qeverinë angleze të përfaqësuar nga Jeremy Wright QC, ministri atëhershëm i burgjeve në Mbretërinë e Bashkuar. Marrëveshja bënte fjalë për transferimin e shtetasve shqiptarë me dënime me burg më shumë se 4 vjet nga burgjet angleze në ato shqiptare. Kjo marrëveshje ishte me të vërtet e tipit ?win-win?. Anglezët përfitonin një pakësim të popullatës së burgjeve angleze dhe më pak para të taksapaguesve anglezë për të mbajtur në burg shqiptarët. Pala shqiptare përfitonte kushte më të mira burgu për shtetasit shqiptarë. Familjarët e të burgosurve shqiptarë e kishin shumë të vështirë dhe shumë të kushtueshme për të vizituar të afërmit re tyre në burgjet angleze. Për të realizuar një vizitë të tillë duhej marrë vizë angleze në Varshavë jo në Tiranë (me gjithë shpenzimet përkatëse), më pas shpenzime shtesë për biletë avioni, taksi, hotel, ushqim në Angli e kështu me rradhë.

Kjo marrëveshje realisht përmirësonte kushtet për të burgosurit shqiptarë, përsa i përket realizimit të vizitave të familjarëve të tyre. Këta shqiptarë vërtet ishin shkelës të ligjit, kriminelë, hajdutë, drogaxhinj, vrasës etj. por prap se prap mbeteshin shtetas shqiptarë, për të cilit shteti shqiptar dhe të gjithë taksapaguesit shqiptarë kanë detyrime. Marrëveshja presupozonte transferimin nga burgjet angleze në Shqipëri të 100 shqiptarëve. Faktikisht u transferuan vetëm 23 të burgosur shqiptarë. Me ardhjen në pushtet të kryeministrit Edvin, transferimet u ndërprenë. Autoritet angleze janë përpjekur disa herë të nxisin palën shqiptare për të zbatuar marrëveshjen, por nuk kanë pasur asnjë rezultat.

Sot në burgjet angleze kemi 716 shqiptarë, shtetas të Republikës së Shqipërisë. Rreth 600 prej tyre po vuajnë dënime më të gjata se 4 vjet burg, pra plotësojnë kushtin bazë për t?u transferuar në Shqipëri. Justifikimi konstant i palës shqiptare është se burgjet shqiptare janë të tejmbushura, kështu që nuk ka vend për të burgosurit shqiptarë, që vuajnë dënimin në burgjet angleze. Autoritetet shqiptare madje justifikohen se edhe burgu i ri, që pritet të hapet në Prefekturan e Shkodrës, nuk e zgjidh problemin e mbipopullimit. Kapaciteti i tij me zor përballon fluksin e pritshëm të të burgosurve për shkak të vjedhjes së ujit (si të burgosurit për vjedhje energjie elektrike dhe ndërtime pa leje 2-3 vjet më parë), si edhe fluksin e pritshëm të zyrtarëve të lartë dhe poltikanëve, që priten të burgosen në ?epokë? post-veting!/ Gjergj Thanasi





Lajmet e fundit nga