web counter
LEXO PA REKLAMA!

SHKARKO APP

App Store
Google Play

E fundit!

x

Tirana përtej fasadave/“Mbeturinat”, gjobë për Erion Veliajn

5 Shkurt 2018, 12:05, Aktualitet CNA

Optimizmin dhe ngërdheshjen e Kryetarit të Bashkisë së Tiranës,  për një të ardhme dhe më të ndritur të Kryeqytetit e prishin plehrat.

Pothuajse në çdo cep të qytetit, të zënë sytë grumbuj të tërë me mbeturina.

Sigurisht sheshi kryesor i Tiranës është i pastër, por përtej kësaj fasade,qëndrojnë lagje të tëra që kundërmojnë nga mbeturinat.

Më e rëndë situata bëhet kur institucionet rrethohen nga grumbujt e plehrave.

Arkivi Shtetit një institucion jo pak i rëndësishëm,i cili kufizohet me Gjykatën e Krimeve të Rënda, është i rrethuar nga plehrat.

CNA (CityNews Albania) sjell fotot që tregojnë gjendjen e mjerueshme, përreth institucionit, si brenda ashtu edhe nga jashtë.

Një pamje e tillë mbizotëron prej ditësh, mirëpo askush nuk është kujtuar që të marrë masa për largimin e mbeturinave, të cilat shqetësojnë edhe banorët e zonës, për shkak të aromës.

Gjatë kohës që Veliaj bën propagandë për një qytet më të pastër, hapësirat publike në Tiranë, sa vijnë dhe mbulohet nga mbeturinat.

?Kushdo që hedh mbeturinat në rrugë dhe jo në koshin e vendosur nga Bashkia e Tiranës do të gjobitet?, është shprehur më herët Veliaj.

Në fakt kjo nismë është për t?u mbështetur, por çfarë ndodh kur mbeturinat nuk largohen nga Bashkia? A duhet të gjobitet Erion Veliaj?

Por, Erion Veliaj preferon të ?sulmojë? qytetarët dhe ti quajë ata të pakulturë, ndërsa situata e ndotjes dhe e mbeturinave në Tiranë, s ?tregon gjë tjetër veçse katandisjen e kryeqytetit në nivelin e propagandave të shëmtuara që ai trumbeton çdo ditë.

Kështu përgjegjësia  mbetet zero, apo  thënë  ndryshe e humbur në grumbujt e mbeturinave. Ka ardhur koha që taksapaguesit- qytetarët të reagojnë dhe në njëfarë mënyre të gjobisin Erion Veliajn, duke ia plasur në sy premtimet e pambajtura dhe gënjeshtrat e mashtrimet që reklamon çdo ditë/CNA.al

 





Lajmet e fundit nga