E fundit!

12:57 Aktualitet

“F*ck you”/ PDE "shuplakë" Ramës: Sheshi duhet dëgjuar, jo fyer

Partia Demokratike Europiane ka reaguar pas intervistës së...

Ish-sigurimsi fut në sherr anëtarët e Komsionit të Ligjeve

5 Shkurt 2018, 12:37, Aktualitet CNA

Nën drejtimin e Ulsi Manjës është mbledhur sot Komisioni i Ligjeve, ku pritet të hidhet shorti për anëtarët e Këshillit të Lartë të Gjyqësorit dhe Këshillit të Lartë të Prokurorisë (KLGJ dhe KLP)

Ulsi Manja tha se do të zhvillohet raundi i tretë për miratimin e listës për anëtarët e KLGJ dhe KLP, pasi Kuvendi ka rrëzuar listën e dytë në bllok për KLGJ dhe KLP, ndërsa përfaqësuesi i PD, Oerd Bylykbashi tha se shorti është farsë e radhës.

Pas debateve ka dështuar votimi për kandidatët për KLGJ nga radhët e avokatisë, pedagogeve dhe shoqërisë civile dhe e njëjta procedure pritet të ndiqet edhe për kandidatët për KLP.

Manja tha se ndaj kandidatit Kozma Jano ka ardhur një kërkesë nga autoriteti i sigurimit te shtetit dhe kërkoi përjashtimin e tij, ndërsa komisioni e aprovoi.

Ndërsa po votohej me radhë për kandidatët, kreu i këtij komisioni, Ulsi Manja ka kërkuar përjashtimin nga shorti të kandidatit Kozma Jano, i cili rezulton pjesë e bashkëpunimit me ish-sigurimin e shtetit.

Por menjëherë ka reaguar deputeti demokrat, Oerd Bylykbashi, i cili ju drejtua Manjës, se po merr përsipër kompentenca që nuk i takojnë ?Nuk ke të drejtë të përjashtosh kandidatë. Po merr përsipër kompetenca që nuk të takojnë. Po luan bixhoz?- tha ndër të tjera Oerd Bylykbashi.

Gjithashtu Bylykbashi tha se “Sot është farsa e radhës e cila do përfundojë me short. Janë po ata kandidat me probleme me ligjin dhe tërësisht nën kontrollin e qeverise. Kandidatë me probleme me dekriminalizimin, me lidhje me sigurimin e shtetit, kandidat që janë s?kualifikuar nga ONM. Kandidatë që nuk paguajnë taksa. Do prodhoni një SPAK atë që doni ju. Madje ju krijuat SPAK-un tuaj me marrëveshjen Xhafaj-Marku. Shorti do bëhet, por KLGJ dhe KLP s?do ketë pasi juve ju duhet prokurori i përgjithshëm provizior dhe SPAK-u provizor për te mbyllur dosjet.”

Manja tha se ndaj kandidatit Kozma Jano ka ardhur një kërkesë nga autoriteti i sigurimit te shtetit dhe kërkoi përjashtimin e tij, ndërsa komisioni e aprovoi./ CNA.al