web counter
LEXO PA REKLAMA!

SHKARKO APP

App Store
Google Play

Ish-ministri ngre alarmin/ Po cënohet siguria kombëtare

30 Janar 2018, 09:57, Aktualitet CNA

Ish-ministri i Bujqësisë, Edmond Panariti ka ngritur një problem ditën e sotme që lidhet me sistemin Bluebox të anijeve të peshkimit.

Në një postim në rrjetet sociale, Panariti thotë se po cenohet siguria kombëtare pasi rritet rreziku i trafiqeve të paligjshme, përfshirë edhe ai i narkotikëve, me mjete të cilat nuk gjurmohen dhe zbulohen.

Sipas ish-ministrit, një tjetër rrezik është edhe ai i evazionit fiskal.

Postimi i plotë:
Nuk ka smartphone dhe automjet të dekadës së fundit që nuk gjurmohet dhe identifikohet në çdo çast për pozicionin e tij kudo në botë me përjashtim të anijeve të flotës tonë të peshkimit. Ka më shumë se 9 muaj që mungon sinjali GIS i sistemit Bluebox në anijet tona të peshkimit për shkak të mos pagesës së kontraktorit. Çfarë po ndodh? Cilat janë pasojat? Së pari, po cenohet rëndë siguria kombëtare, sepse rritet rreziku i trafiqeve të paligjshme përfshirë dhe ai i narkotikëve, me mjete të cilat nuk gjurmohen dhe zbulohen.

Së dyti evazion i rëndë fiskal nga mungesa e raportimit të veprimtarisë ekonomike të peshkimit dhe cenim i rëndë i statistikave të sektorit duke na vendosur në disavantazh të thellë në negociatat dhe financimet nga Bashkimi Evropian. Mos harroni që jemi ndër vendet e para që përkrah Shteteve të Bashkuara, nënshkruan dhe ratifikuam marrëveshjen e masave portuale për ndalimin e peshkimit dhe trafiqeve të paligjshme dhe partneret tanë strategjikë presin rezultate dhe jo fjalë./ CNA.al





Lajmet e fundit nga