web counter
LEXO PA REKLAMA!

SHKARKO APP

E fundit!

x

Aeroporti i Vlorës, Gjiknuri: 1000 të punësuar të përhershëm

30 Janar 2018, 09:33, Aktualitet CNA

Komisioni i Ekonomisë ka në diskutim ditën e sotme pr.ligjin për ndërtimin e aeroportit të Vlorës, ku ministri i Infrastrukturës dhe Energjisë, Damian Gjiknuri ka raportuar për detajet e pr.ligjit, të cilat nuk janë votuar nga PD dhe LSI.

Sipas Gjiknurit, ky aeroport do të jetë me përfitim të madh ekonomik dhe ndërtimi i tij bëhet në një kohë që nevojat për fluturime janë rritur.

?Vlora do të ketë një aeroport me fitim ekonomik pasi nevojat për fluturime janë rritur. Do të jetë një investim prej 100 milion eurosh dhe tërësisht privat?, ka thënë Gjiknuri.

Mes të tjerash Gjiknuri ka theksuar se ky aeroport do të punësojë të paktën një 1000 punëtorë të përhershëm dhe do të sjellë një interes ekonomik për zonën e Novoselës.

?Kontrata që kemi negociuar do të kalohet në Parlament ditën e enjte?, u shpreh Gjiknuri.

Gjiknuri sqaroi ndër të tjera se arsyeja pse u zgjodh Vlora është se ka pasur aeroport të vjetër ushtarak në këtë qytet.

?Vlora është një zonë nga ku mund të marrë pasagjerë edhe nga shumë rrethe të tjera. Gjithashtu një tjetër faktor favorizuaes është edhe afërsia me kryeqytetin dhe me rrethe të tjera të Shqipërisë?- tha ministri Gjiknuri./ CNA.al





Lajmet e fundit nga