“Rusia pa Putin”/ Në Moskë plasin protestat

30 Janar 2018, 07:59, Aktualitet CNA

Në të gjithë Rusinë njerëzit demonstrojnë kundër rizgjedhjes që pritet të Presidentit Vladimir Putin. Kritikun e njohur të Kremlinit, Aleksej Navalni, policia e ka arrestuar sërish.

?Qytetare dhe qytetarë, ju lutem hapni rrugën. Po pengoni kalimtarët?. Zëri i policit ushton herë pas here nga makina me altoparlant e në Sheshin Pushkin në qendrën e Moskës. Por rreth 2000 pjesëmarrësit e demonstratës së pamiratuar, kryesisht të rinj i injorojnë forcat e sigurisë. Ata thërrasin parulla si ?Rusia do të jetë e lirë? ose ?Rusia pa Putinin?.

Njëri prej tyre e quan veten Vasilij ? emrin e vërtetë ai nuk ka dëshirë ta thotë për shkak të raprezaljeve. ?Që prej 18 vjetësh gjithmonë i njëjti President ? boll?, shan ai. Një grua pranë tij e mbështet: ?Ne duam një alternativë ndaj pushtetmbajtësve të tanishëm dhe kërkojmë liri mendimi?. I zemëruar është edhe një i ri, i mbështjellë në një pallto të zezë. ?Zgjedhjet e tanishme presidenciale janë një lloj teatri?. Një president i fortë nuk do të kishte frikë nga zgjedhje të reja, thotë një 14 vjeçare, e cila ka ardhur në demonstratë me shoqen e saj. ?Dua që në vendin tonë të veprohet me ndershmëri dhe në përputhje me ligjin?. Ajo thotë se Kremlini u ndalon njerëzve që të votojnë për atë kandidat, për të cilin donin të votojnë shumë njerëz.

Protesta në të gjithë Rusinë

Me këtë ajo ka parasysh Aleksej Navalnin, i cili në fakt donte të drejtonte demonstratën. Por pak pasi ai u largua nga shtëpia e tij në Moskë, policia e arrestoi në një aksion të papritur në rrugë. Kur demonstruesit në rrugë e mësojnë këtë, atë zemërohen edhe më shumë dhe e shajnë Presidentin Putin. Njëri prej tyre është një burrë që e quan kriminel Putinin, i cili e qeveris Rusinë me shokët e tij të Shërbimit të Fshehtë. Njerëzit përreth tij tundin kokën me miratim. Deri sa dikush thërret me zë të lartë: ?Zabastovka?, gjë që do të thotë pak a shumë ?grevë?, ?protestë?, ?bojkotim i zgjedhjeve?.

Demonstruesit vihen sërish në lëvizje. Policia tregohet e përmbajtur. Dyzina ekipesh televizive shoqërojnë vargun e protestave. Të dielën në të gjithë Rusinë pati demonstrata në mbi 100 qytete ruse, për solidaritet me Navalnin. 41 vjeçari ka bërë thirrje për të bojkotuar zgjedhjet e afërta presidenciale, pasi autoritetet ia ndaluan për shkaqe jotransparente që të kandidojë në zgjedhje.

Në një kohë kur në shumicën e vendeve autoritetet kanë lejuar demonstrata, policia i ka ndaluar midis të tjerash në Sankt Petersburg dhe në Moskë protestat publike. Megjithatë, demonstruesit nuk tremben nga dispozita të tilla administrative. Policia bëri të ditur se deri në mbrëmjen e së dielës në të gjithë Rusinë u arrestuan gjithsej 185 demonstrues, duke përfshirë edhe Navalnin vetë./ DW