web counter
LEXO PA REKLAMA!

SHKARKO APP

App Store
Google Play

E fundit!

x

Aksioni opozitar/ Përplasen PD dhe LSI

30 Janar 2018, 10:28, Aktualitet CNA

Vijimi i aksionit opozitar kundrejt qeverisë ka shkaktuar një përplasje mes Partisë Demokratike dhe Lëvizjes Socialiste për Integrim. Pas protestës së mbajtur tre ditë më parë nga opozita, duket se nuk ka më një vijimësi se çfarë do të ndodhë më pas. ?Kjo për faktin se të dyja forcat kanë shpalosur qëndrime të ndryshme sa i përket aksionit kundër qeverisë duke moskoordinuar veprimet mes tyre.?- shkruan gazeta Sot.

Kështu, Lëvizja Socialiste për Integrim është shprehur se kërkon që opozita të kushtëzojë Parlamentin. Madje një gjë të tillë e ka theksuar vetë kreu i grupit parlamentar Petrit Vasili pak ditë më parë, i cili teksa ishte i ftuar në një studio televizive deklaroi se LSI do të mbaj një marrëdhënie të kushtëzuar me parlamentin. ?Raport të kushtëzuar, sipas rrethanave do të ketë qëndrime të caktuara. Sa i takon procesit të KLP dhe KLGJ, qeveria duhet rrëzuar. Sot Reforma në Drejtësi është pothuajse e vdekur. Arritëm deri në atë pikë sa kjo drejtësi nuk ekziston më?, u shpreh kreu i grupit parlamentar të LSI, Petrit Vasili. Por pavarësisht këtij qëndrimi të mbajtur nga Lëvizja Socialiste për Integrim nuk ka mbajtur të njëjtin qëndrim Partia Demokratike, e cila vazhdon të jetë e pavendosur mbi ecurinë e frontit opozitar kundër mazhorancës. Madje këta të fundit janë shfaqur konfuz mbi atë se çfarë do të ndodhë më pas.

Vetë deputeti i PD, Klevis Balliu, teksa ishte i ftuar dje në një studio televizive dhe u pyet mbi ecurinë e opozitës pas protestës, në ndryshim nga aleatët e LSI, u shpreh se duhet të vazhdojnë protestat deri në rrëzimin e qeverisë.





Lajmet e fundit nga