web counter
LEXO PA REKLAMA!

SHKARKO APP

App Store
Google Play

Ndarja nga jeta e të riut Shkodranë/ Flet ambasadori shqiptar: Nuk kishte shenja dhune

24 Dhjetor 2017, 19:27, Aktualitet CNA

Dritan Tola, ambasador i Shqipërisë në Francë në një lidhje telefonike me News24, ka folur në lidhje me ndarjen nga jeta të të riut shqiptar Florenc Beqiraj në Marsejë, i cili ishte kapur pa dokumente.

Sipas Tolës, në trupin e viktimës nuk ka shenja dhune.

?Beqiraj u gjet i pandërgjegjshëm . Kemi qenë në kontakt të vazhdueshëm me spitalin dhe policinë si dhe familjarët e tij. Çështja është nën hetim, nuk janë dhënë pista të tjera, thuhet se ai është gjetur i pandërgjegjshëm në dhomën e tij.

Mbajtja me aparatura, ka qenë gjest human nga spitali i Marsejës. Nuk ka pasur aspak refuzim të dhënies së ndihmës mjekësore. I dhanë çdo mundësi të atit të qëndronte pranë trupit të të birit.

Do të kryhet autopsia. Nuk ka asnjë indikacion për përdorim dhune apo keqtrajtim. Brenda javës tjetër do të kenë dalë rezultatet pas autopsisë, dhe pastaj do të shihet se çfarë ka ndodhur realisht? – tha Tola.

Ndërkohë nga ana e shokëve të të ndjerit Florenc Beqiraj, ai ndihej i kërcënuar për jetën, ndërsa ngrihen dyshime se ka qenë policia (me përbërje marokene) ajo që e ka vrarë. /CityNews





Lajmet e fundit nga