E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Vdekja e Florenc Beqirajt/ Ministria e Jashtme komunikim për mediet

24 Dhjetor 2017, 18:48, Aktualitet CNA

Vdekja e 23-vjeçarit nga Shkodra në Marsejë të Francës, ka shkaktuar një sërë reagimesh jo vetëm nga qytetarët me protesta homazh pore edhe na klasa politike shqiptare.

Pas vdekjes së Florenc Beqirajt, ku spitali në Marsejë i hoqi aparaturat 23-vjeçari pa firmën e të atit, ka reaguar edhe Ministria për Evropën dhe Punët e Jashtme.

Me anë të një njoftimi për mediet, MEPJ, shprehet se Florenc Beqiraj është gjetur i pandërgjegjshëm në dhomën e tij në Qendrën e Ndalimit Administrativ. Atij i është dhënë ndihma e urgjencës dhe më tej është transportuar në qendrën spitalore Marseille-Nord. Po ashtu në njoftim thuhet se Ministria e Brendshme e Francës ka lajmëruar për këtë edhe ambasadën tonë në Francë. I riu Beqiraj ka qëndruar në koma të thellë prej 21 dhjetorit.

Për rastin Beqiraj, Prokuroria e Marsejës është njoftuar po atë ditë dhe po heton për zbardhjen e plotë të ngjarjes.

Informacion lidhur me rastin e Florenc Beqiraj

Ministria për Evropën dhe Punët e Jashtme e Republikës së Shqiperisë informon opinionin publik se Ministria e Brendshme e Francës ka njoftuar Ambasadën e Shqipërisë në Paris, përmes një komunikimi zyrtar, mbi vdekjen e shtetasit shqiptar Florenc Beqiraj në qëndrën spitalore Marseille-Nord.

Në këtë komunikim sqarohet se, më 14 dhjetor 2017, rreth orës 17.30, shtetasi Florenc Beqiraj u gjet i pandërgjegjshëm në dhomën e ti në Qendrën e Ndalimit Administrative në Marsejë, pasi ishte shoqëruar më parë atje pas vendimit administrativ të Prefekturës për largim nga territori francez.

Zotit Florenc Beqiraj iu dha menjëherë përkujdesja e urgjencës dhe ai u transportua në qendrën spitalore të Marseille-Nord. Prokuroria e Marsejës u njoftua të njëjtën ditë për ngjarjen dhe një hetim mbi ngjarjen ka nisur menjëherë.

Pas disa ditësh në koma të thellë, në datën 21 dhjetor, ora 18.30, u konstatua vdekja e z. Florenc Beqiraj. Trupi i tij u transportua në pavijonin e mjekësisë ligjore të Marsejës më 23 dhjetor, konform udhëzimeve të Prokurorisë e cila kërkoi të kryhej autopsia. Autopsia do të kryhet në ditët e ardhshme, ndërkohë që hetimi vazhdon.

Ministria e Brendshme Franceze nënvizon se do të vijoj ë të informojë Ambasadën e Republikës së Shqipërisë për të gjitha informacionet e nevojshme që do të përcillen nga Prokuroria e Marsejës mbi vazhdimin e hetimit që po kryhet. Ndërkohë që Ambasada po kujdeset për kryerjen e të gjitha procedurave për kthimin e trupit të të ndjerit në Shqipëri.

Ministria për Evropën dhe Punët e Jashtme shpreh ngushëllimet më të ndjera familjes së Florencit dhe dëshiron të sigurojë opinionin publik se mbrojtja e interesave të Shqiperisë dhe qytetarëve të saj jashtë Shqiperisë përbën prioritet absolut.

Në të njëjtën kohë, i bëjmë thirrje aktorëve politikë të dëshmojnë urtësi e të mos bien në kurthin e instrumentalizimit politik të kësaj fatkeqësie.

/CityNews