E fundit!

15:23 Aktualitet

"Zona që ilustron më mirë çfarë është keq në Shqipëri"/ Malltezi publikon pamje nga vendgrumbullimi i plehrave në Elbasan

Jamarbër Malltezi, në Ditën Botërore të Mjedisit, ka vizit...

Shfuqizimi i ligjit për Gjykatën e Posaçme/ Arsyet dhe pasojat që do të ketë Kosova

24 Dhjetor 2017, 18:11, Aktualitet CNA

Nëse një gjë e tillë do të ndodhë pasojat që do të ketë Kosova do të jenë të renda. Evropianët dhe amerikanët e bënë mjaft të qartë se pasojat për marrëdhëniet e Kosovës me Brukselin dhe me Uashingtonin do të ishin të mëdha. Nuk mendoj se kjo i intereson Kosovës. Nga ana tjetër, Kosova është shtet sovran dhe ka të drejtën të bëjë gabimet e një vendi sovran…

I pronocuar ndër të tjera edhe për iniciativën më të fundit ngatërestare të maxhorancës politike kosovare, nga mikrofoni i radios “Zeri i Amerikës” analisti Daniel Serëer, studiues në Qendrën për Marrëdhënie Transatlantike në Universitetin, Johns Hopkins, tha se definimi i një akti të tillë nuk do të ishte një vendim i matur.

“Nuk më duket se ishte një lëvizje e mençur. Kosova është një vend sovran, një demokraci dhe anëtarët e Parlamentit mund të ngrenë çdo çështje që dëshirojnë. Por kjo nuk do të thotë se ishte një veprim i mençur ngritja e çështjeve të tilla… Shtetet e Bashkuara e kanë investuar dhe e kanë mbështetur krijimin e kësaj Gjykate, e kanë mbështetur Kosovën gjithmonë. Në këtë kuptim, çdo të thotë ky hap që bie ndesh me qëndrimin amerikan? Siç ka thënë edhe ambasadori (Delaëie) kjo do të kishte pasoja edhe në marrëdhëniet me Bashkimin Evropian. Do të ishte një veprim shumë i papeshuar të ndryshosh mandatin e Gjykatës. Sigurisht, ne ende nuk e dimë se si do të reagojë Gjykata, por që ajo të nisë punën, standardet duhet të jenë shumë të larta. Le ta themi hapur: arsyeja që ajo ekziston janë të metat e sistemit gjyqësor në Kosovë. Ajo nuk do të ekzistonte nëse Kosova do të kishte bërë atë që duhej bërë për të vendosur sundimin e ligjit…”.

Mirëpo cilat janë arsyet e ndërmarrjes së kësaj nisme ndryshuese, për ligjin që u miratua veç ca muaj më parë me dakortësinë e votat pro të po këtyre politikanëve që sakaq propozojnë ndryshimin?

“Ata, iniciatorët e propozimit për ndryshime, përpiqen t?i shpëtojnë përgjegjësisë dhe sidomos nuk duan që Ushtria Çlirimtare e Kosovës të ndotet nga akuzat për veprime të jashtligjshme”, përgjigjet analisti Serëer, duke përfunduar:

” Por siç e shikoj unë, do të ishte shumë më keq që individë të caktuar të mos vihen para përgjegjësisë për veprime të tilla, gjë që do të përlyente krejt emrin e kësaj organizate. Në qoftë se ka njerëz që kanë qenë përgjegjës për veprime ilegjitime, ata duhet të sillen para drejtësisë”. /CityNews