E fundit!

14:29 Aktualitet

Sezoni turistik 2026/ Fluks vizitorësh, por sfidat mbeten

Plazhet shqiptare janë mbushur me vizitorë, ndërsa sezoni ...

Kreshnik Osmani: Klasa politike i ka ngritur kurth popullit. Edi Rama epiqendra e ...

29 Nëntor 2017, 18:42, Aktualitet CNA

Kryetari i Partisë Shqiptare Atdheu, Kreshnik Osmani, i ftuar në studion e lajmeve të “SYRI.net, ka sulmuar ashpër klasën politike shqiptare, të cilën e akuzoi për thurje planesh e kurthesh në kurriz të qytetarëve shqiptarë vetë e vetëm për të qëndruar në pushtet.

Teksa u ndal tek qeveria Rama, si tha se, ?Kjo qeveri që është mban të gjitha përgjegjësitë që kanë ndodhur në 5-vjeçarin e fundit.

Edi Rama do të mbahet mend si epiqendra e një hiçi të madh, të cilin ai e pikturoi me gjenialitetin e një piktori dhe paaftësinë e një politikani?. Në vijim ai shtoi se, ?Krimi i organizuar kontrollon lagjet, kanabisi ble votat. Kanë kontakte me dy tre ambasadorë që deklarojnë se keni bërë hapa mirë, po duhet të bëni edhe ca më mirë.

Këta që janë sot, qeveria e sotme, janë investimi më i errët që ka parë historia politike e tranzicionit shqiptar.?

Sipas kreut të PSHA-së, “Kjo klasë politike nuk mund të ofrojë një jetë më dinjitoze për shqiptarët. Populli ynë ka fatin e të gjithë popujve të tjerë të Europës ose më gjerë. Nuk ka pasur asnjë përpjekje serioze për të nxjerrë në pah energjitë e shqiptarëve, për ti zgjuar ato. Populli shqiptar është shumë energjik, ne si vend kemi të gjitha kushtet dhe mundësitë, që mund ta zhvillonin këtë vend. Por këtu ka qenë një sherrnajë e madhe politike dhe secila palë është përpjekur të ruajë gardhin e saj politik.”

Osmani u shpre se klasa politike jo vetëm që po thur plane dhe kurthe në kurriz të shqiptarëve por edhe ka një urrejtje të fshehur ndaj tyre. Sipas tij kjo situatë e krijuar në vend, po nxit shqiptarët që të largohen nga vendi një herë e më parë.

?Ne jemi në fund të 2017 dhe rreth 45 % e shqiptarëve nuk ndezin dot një ngrohës. Ne jemi një Somali në mes të Europës ne mund të krahasohemi vetëm me vendet më të pazhvilluara si Somanlia apo Naerobi. Kjo klasë politike i ka ngritur qytetarëve të saj një kurth, duke i çuar deri atje sa debati kryesor të përqendrohet kur ka ikur gjermani i fundit nga Shqipëria. (…) Shqiptarët janë të varfër dhe varfëria e mpin njeriun fillimisht dhe bën këtë që njerëzit nuk reagojnë. Kjo klasë politike prodhon edhe lajmin dhe anti-lajmin, çfarë thotë sot: po ikëm ne do të vijë pala tjetër që është njësoj si ne. Pra këto i kanë mpirë shqiptarët, të cilët më kollaj e kanë të ikin sesa të vendosin këtë klasë politike përpara përgjegjësive?, – tha ai. /CityNews