web counter
LEXO PA REKLAMA!

SHKARKO APP

App Store
Google Play

Skandali/ Policia Bashkiake mbyt në gjoba qytetarët në ditët e festave

29 Nëntor 2017, 17:14, Aktualitet CNA

Festat e nëntorit nuk kanë kaluar në qetësi apo si ditë feste për dhjetëra qytetarë, kjo për shkak se Policia Bashkiake i ka mbytur në gjoba.

Në adresë të CityNews.al, kanë mbërritur dhjetëra raste të vendosjes së gjobave nga Policia Bashkiake, gjatë ditëve të pushimit me rastin e festave të nëntorit.

Ditën e hënë, të martë dhe të mërkurë, pra të tre ditët pushim, dhjetëra e qindra qytetarë kur kanë dalë nga shtëpitë e tyre e kanë gjetur mjetin me një gjobë të vendosur në xham. Shumë prej tyre kanë patur debate dhe përplasje me punonjësit e Tirana Parking, por edhe me policët bashkiakë.

Qytetarët kanë kundërshtuar gjobat me argumentin se janë ditë pushimi zyrtare, por policët bashkiakë janë justifikuar me argumentin se nuk ka ndonjë urdhër të tillë, për ta pushim janë vetëm e shtuna dhe e diela. E hëna e shpallur nga qeveria dhe e marta dhe e mërkura që janë festat zyrtare të nëntorit, nuk njihen prej tyre.

Dhjetra denoncime të qytetarëve tregojnë sesi në zonën e ish-Bllokut, rrugën Myslim Shyri, apo edhe në zona të tjera ku parashikohet parkimi me pagesë, janë gjobitur nga policia, duke u prishur edhe ditët e festave.

Nuk mjaftojnë taksat e larta, trafiku dhe zhurma por shumë banorë të kryeqytetit duhet të paguajnë edhe gjobat e majme të bashkive në ditët e pushimit.

CityNews.al iu drejtua për informacion zyrtarisht Bashkisë së Tiranës, nga e cila ende nuk ka ardhur përgjigje për mijëra gjobat e vendosura 3 ditët e fundit në Tiranë. /CityNews





Lajmet e fundit nga