web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti/ Enver Hoxha: Fitimi i luftës ishte vetëm çështje pushteti

29 Nëntor 2017, 18:22, Aktualitet CNA

Studiuesi Kastriot Dervishi, me rastin e 29 nëntorit ditës së Çlirimit ka shpërndarë në rrjetet e tij sociale, një dokument ku është cituar një ndër fjalimet e diktatorit Enver Hoxha.

Duke iu referuar këtij dokumenti Hoxha  deklaron se fitimi i luftës nacionalçlirimtare  ishte vetëm çështje pushteti.

?Lufta Nacionalçlirimtare dhe revolucioni kishin për qëllim kryesor marrjen e pushtetit. Fati i Shqipërisë varej se kush do ta merrte pushtetin. Pushtetin ishim të bindur se do ta merrte populli, nën udhëheqjen e partisë dhe të askujt tjetër?? thuhet në dokumet.

Sipas Dervishit 29 nëntori është data e atyre që vendosën diktaturën kundër pjesës që nuk ishte dakord të vendosej kjo diktaturë.

?Pohimi i diktatorit në vitin 1982

?Lufta dhe revolucioni?, në radhë të parë çështje pushteti

29 nëntori si ditë e viteve të zeza, simbolizon krimin komunist dhe prishjen e unitetit kombëtar. Pas rënies së regjimit, komunistët duan ta mbajnë gjallë të kaluarën e tyre me data përkujtimore. Madje ftojnë edhe pasardhësit e viktimave që të ?festojnë? për të mirat që paska sjellë kjo datë. 29 nëntori është data e atyre që vendosën diktaturën kundër pjesës që nuk ishte dakord të vendosej kjo diktaturë. Nuk është çështje date, ore, sekondash, por çështje koncepti. As nuk mund të vendoset me ?marrëveshje? si ditë feste sepse nuk ka qenë kurrë festë?.

Më tej Kastriot Dervishi ka thënë se nuk ka çlirime në rastet e vetëlargimit të një ushtrie dhe se gjermani I vërtetë mbeti brenda Shqipërisë, e ata ishin komunistët.

Ndërsa në përfundim të shkrimit të tij ka sjellë një fjalim të Enver Hoxhës ku ka deklaruar se lufta ishte një çështje pushteti.

Nuk ka ?çlirime? në rastet e vetëlargimit të një ushtrie dhe sjelljes mizore me gjysmën e popullsisë së vendit, siç kanë bërë komunistët. Numri i shqiptarëve të larguar nga eksodi i madh i fundit të 1944-s, i të arrestuarve, i të vrarëve, është shumë më i madh se sa forcat ushtarake gjermane në këtë kohë. Pa përmendurit të vrarët, kujtoj se u arrestuan menjëherë 4.500 shqiptarë vetëm e vetëm se nuk ishin komunistë. ?Gjermani? i vërtetë, në të vërtetë mbeti brenda Shqipërisë, ishin komunistët. Që ?lufta dhe revolucioni? kanë qenë çështje pushteti dhe jo pushtuesi, e ka sqaruar vetë diktatori. Më 15 shtator 1982, në sallën e Kuvendit Popullor, me rastin e 40-vjetorit të mbledhjes së Pezës, Enver Hoxha e deklaroi qartë se lufta ishte vetëm çështje pushteti. Në fjalimin e gjatë, ndër të tjera, gjejmë edhe këto fjalë:

?Lufta Nacionalçlirimtare dhe revolucioni kishin për qëllim kryesor marrjen e pushtetit. Fati i Shqipërisë varej se kush do ta merrte pushtetin. Pushtetin ishim të bindur se do ta merrte populli, nën udhëheqjen e partisë dhe të askujt tjetër. Ne fituam duke luftuar të vetëm jo vetëm brenda vendit me aleatë të jashtëm, por me vigjilencë të madhe që asnjë këmbë e tyre të mos hynte këtu, në Shqipëri. Dhe ishte kjo një nga arsyet e fitores sonë të madhe. Prandaj ta kuptojmë thellë rëndësinë e kësaj vepre të madhe të partisë sonë që nuk ishte e rastësishme, por e menduar mirë?. /CityNews





Lajmet e fundit nga