E fundit!

14:29 Aktualitet

Sezoni turistik 2026/ Fluks vizitorësh, por sfidat mbeten

Plazhet shqiptare janë mbushur me vizitorë, ndërsa sezoni ...

Pezullohen 12 gurore në Malin e Tomorrit/ Klosi: Gjobë, revokim i lejes mjedisore dhe ndjekje penale për guroret që shkelin ligjet

19 Nëntor 2017, 13:21, Aktualitet CNA

Pas publikimit të pamjeve të Malit të Tomorrit ku dukej qartazi se po shfrytëzohej për përfitime materiale nga persona për të cilët ende nuk është marrë një masë ndalimi, ka ardhur dhe reagimi i ministrit Klosi.

Në një deklaratë të dhënë për mediet, ministri i Turizmit dhe Mjedisit, Blendi Klosi, ka lajmëruar pezullimin e 12 guroreve në Malin e Tomorrit, si dhe gjobitjen e personave të cilët shkelin ligjet për guroret.

Përveç gjobitjes dhe revokimit të lejes mjedisore, ministri Klosi tha se i gjithë dokumentacioni i tyre do të kalohet në sitë dhe sipas shkeljeve të konstatuara do të merren masa të ashpra deri në ndjekje penale.

?Janë evidentuar nga inspektoriati plot 12 gurore vetëm në këtë zonë të cilat janë krejtësisht jashtë çdo parametri mjedisor dhe shfrytëzojnë këto leje minerare në mënyrë krejtësisht të paligjshme. Prandaj Inspektoriati i Mjedisit do të marrë masa duke i gjobitur ato që sot, duke kërkuar revokimin e lejeve mjedisore për të 12 subjektet dhe po ashtu duke parë të gjitha mundësitë që të 12 subjektet të kalojnë edhe për ndjekje penale?, ka thënë ministri Klosi i cili e cilësoi barbar dhe të pafalshëm dëmin e krijuar në një nga malet më të vizituar në mbarë vendin nga turistë vendas dhe të huaj.

Ai paralajmëroi një reformë të plotë së bashku me institucionet e tjera shtetërore në ndryshimet ligjore dhe lejet mjedisore për biznesin e guroreve.

?Ne nuk mund të lejojmë që këto gurore të shfrytëzojnë në mënyrë barbare një nga pasuritë më të bukura natyrore të Shqipërisë që është Mali i Tomorrit. Ne nuk mund të lejojmë që këto gurore, si shumë gurore në Shqipëri, të shfrytëzojnë pasuritë natyrore jashtë çdo kriteri mjedisor. Prandaj Ministria e Turizmit dhe Mjedisit së bashku me Inspektoriatin, së bashku me Agjencinë Kombëtare të Mjedisit do të ndërmarrin një reformë të tërë përsa i përket të gjithë sistemit të guroreve në Shqipëri. Do të reduktohen në mënyrë të menjëhershme të gjitha lejet mjedisore të dhëna për guroret të cilat janë jashtë kritereve. Do të kërkohet evidentimi i problematikave të gurores, duke parë lejet dhe mënyrën sesi shfrytëzohen këto gurore, pasi këto duhet të kenë një leje të mirëpërcaktuar, mënyrë pune të mirëpërcaktuar dhe mbrojtje mjedisi të përcaktuar me ligj?, ka theksuar ministri.

Kreu i Turizmit dhe Mjedisit, paralajmëroi se nuk do të tolerohet më asnjë biznes që shkel ligjet në fuqi dhe se ka ardhur koha që bizneset të zhvillohen në respekt të mjedisit dhe komunitetit.

?Ne i vlerësojmë shumë të mirat që vijnë nga biznesi, ne vlerësojmë shumë mundësinë e punësimit të banorëve të zonës, vlerësojmë shumë që këta biznesmenë duan të fitojnë para, por këta biznesmenë që duan të fitojnë para nuk mund të shesin një pjesë të mjedisit shqiptar për përfitime. Së bashku me ministrinë e Energjisë do të përcaktojmë kriteret që duhet të kenë për ta rimarrë këtë leje mjedisore vetëm kur të plotësojnë kushtet, të vihen brenda kornizave për të cilat kanë marrë leje dhe të punojnë jo duke dëmtuar mjedisin por duke e rinovuar dhe duke kultivuar bimësinë e zonës dhe duke mbrojtur hapësirën publike?, ka deklaruar Klosi.

Gjithashtu Ministri Klosi theksoi se lufta kundër guroreve që shkelin lejet mjedisore është një nga pikat kryesore të aksionit 6- mujor, ?Të pastrojmë Shqipërinë që duam?.

Inspektimi në terren dhe masat e marra vijnë pas denoncimit të situatës në portalin e bashkëqeverisjes me qytetarët dhe në emisionin investigativ Fiks Fare.

Fjala e plotë e ministrit Klosi

Jemi këtu në një grup të përbërë nga Inspektoriati Mjedisor së bashku me përfaqësues të zonave të mbrojtura për të evidentuar disa nga problematikat të cilat na kanë ardhur nëpërmjet platformës së bashkëqeverisjes por po ashtu edhe nëpërmjet emisionit investigativ Fiks Fare në të cilën kemi evidentuar një sërë problemesh përsa i përket mënyrës sesi shfrytëzohen këto gurore. Janë evidentuar nga inspektoriati plot 12 gurore vetëm në këtë zonë të cilat janë krejtësisht jashtë çdo parametri mjedisor dhe shfrytëzojnë këto leje minerare në mënyrë krejtësisht të paligjshme. Prandaj Inspektoriati i Mjedisit do të marrë masa duke i gjobitur ato që sot, duke kërkuar revokimin e lejeve mjedisore për të 12 subjektet dhe po ashtu duke parë të gjitha mundësitë që të 12 subjektet të kalojnë edhe për ndjekje penale.

Përsa i përket biznesit në këtë zonë, ne i vlerësojmë shumë të mirat që vijnë nga biznesi, ne vlerësojmë shumë mundësinë e punësimit të banorëve të zonës, vlerësojmë shumë që këta biznesmenë duan të fitojnë para, por këta biznesmenë që duan të fitojnë para nuk mund të shesin një pjesë të mjedisit shqiptar për përfitime.

?Ne nuk mund të lejojmë që këto gurore të shfrytëzojnë në mënyrë barbare një nga pasuritë më të bukura natyrore të Shqipërisë që është Mali i Tomorrit. Ne nuk mund të lejojmë që këto gurore, si shumë gurore në Shqipëri, të shfrytëzojnë pasuritë natyrore jashtë çdo kriteri mjedisor. Prandaj Ministria e Turizmit dhe Mjedisit së bashku me inspektoriatin, së bashku me Agjencinë Kombëtare të Mjedisit do të ndërmarrin një reformë të tërë përsa i përket të gjithë sistemit të guroreve në Shqipëri. Do të reduktohen në mënyrë të menjëhershme të gjitha lejet mjedisore të dhëna për guroret të cilat janë jashtë kritereve. Do të kërkohet evidentimi i problematikave të gurores, duke parë lejet dhe mënyrën sesi shfrytëzohen këto gurore, pasi këto duhet të kenë një leje të mirëpërcaktuar, mënyrë pune të mirëpërcaktuar dhe mbrojtje mjedisi të përcaktuar me ligj.

Po ashtu do të vazhdojmë me të gjithë sistemin e shfrytëzimit të pasurive natyrore nëpërmjet guroreve në vendin tonë për të evidentuar të gjitha shkeljet dhe të gjitha ndryshimet që duhet të marrë legjislacioni shqiptar që këto gurore tashmë të vendosen nën kontroll dhe t?i shërbejnë komunitetit dhe jo të dëmtojnë komunitetin.

Mendoj që në 6 muajt e aksionit tonë për të pastruar Shqipërinë një nga pikat kryesore do të jetë edhe lufta kundër abuzimit nëpërmjet guroreve dhe shfrytëzimit pa kriter pranë zonave të banuara në kundërshtim me të gjitha kushtet e lejeve mjedisore.

Përsa përket ditës së sotme, të 12 subjektet do të gjobiten nga Inspektoriati, në vijim do të verifikohen dhe do të shkojnë për revokim të lejes mjedisore të gjitha subjektet dhe po ashtu së bashku me ministrinë e Energjisë do të përcaktojmë kriteret që duhet të kenë për ta rimarrë këtë leje mjedisore vetëm kur të plotësojnë kushtet, të vihen brenda kornizave për të cilat kanë marrë leje dhe të punojnë jo duke dëmtuar mjedisin por duke e rinovuar dhe duke kultivuar bimësinë e zonës dhe duke mbrojtur hapësirën publike.