Basha: Mision i pamundur që ambasadorët të sjellin investitorë të huaj në Shqipëri!

19 Nëntor 2017, 12:58, Aktualitet CNA

Në një deklaratë për mediet, kryetari I Partisë Demokratike Lulzim Basha ka thënë se Edi Rama e di shumë mirë se investitorët e huaj nuk pranojnë të vijnë në Shqipëri pasi vetë ai ka krijuar një klimë armiqësore për bizneset.

?Rama e di shumë mirë këtë, sepse është ai përgjegjësi për krijimin e një klime armiqësore për biznesin vendas dhe të huaj. Kryeministri i pashpresë dhe i korruptuar deri në rrënjë, e di se në Shqipëri mund të investojnë apo marrin tendera vetëm ata që pranojnë të dorëzojnë kapar 30- 50% të fitimit tek ai, përmes sejmenëve të tij të kapur në përgjime?.

Më tej Basha ka thënë se Ambasadorët e kanë të pamundur sjelljen e investitorëve të huaj, pasi në 4 vitet e fundit flitet vetëm për rritje taksash si dhe korrupsion.

?Ambasadorët e kanë mision të pamundur sjelljen e investitorëve të huaj, sepse në 4 vitet e fundit raportet ndërkombëtare flasin vetëm për përkeqësimin e klimës së biznesit, për rritjen e taksave, për korrupsionin e përhapur në çdo nivel të qeverisjes. Sepse tenderat dhe koncesionet përfundojnë në xhepat e 10 klientëve të kryeministrit dhe investitorët e huaj gjymtohen nga kriminelët e lidhur me Ramën dhe Dakot e tij për t?u përzënë nga Shqipëria.?

Lulzim Basha u shpreh se gjatë qeverisjes së Ramës katër vitet e kaluara në Shqipëri nuk ka ardhur asnjë investim I huaj serioz.

?Gjatë qeverisjes tashmë të vdekur të Ramës, në Shqipëri nuk erdhi asnjë investim serioz i huaj. Po të mos ishin dy projektet e mëdha energjetike, gazsjellësi Trans Adriatik dhe Kaskada e Devollit, niveli i investimeve do të ishte në minimum historik, duke e kthyer vendin 15 vite prapa.

Ambasadorët e Shqipërisë e kanë mision të pamundur sjelljen e investitorëve të huaj, sepse për shkak të keqqeverisjes së Ramës vendi është në depresion ekonomik dhe social. Rreth 300 mijë shqiptarë të larguar në 4 vjet nga Shqipëria janë prova ulëritëse e këtij realiteti dëshpërues.?

Në përfundim Basha tha se investitorët e huaj do të vijnë në Shqipëri, kur vendi të ketë një qeveri që lufton krimin.

?Investitorët e huaj do të vijnë në Shqipëri, kur vendi të ketë një qeveri që lufton krimin, hap vende pune dhe ju jep mundësi të gjithëve. Por kjo nuk do të ndodhë përsa kohë vendin ta drejtojë kryeministri i kapur nga krimi dhe i zhytur në krim, që ktheu Shqipërinë në hambar droge dhe buxhetin e shqiptarëve në lavatriçe për Pastrimin e Parave të Pista