E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rama urdhëron largimin e militantëve të LSI nga administrata/ Ja kush janë drejtorët që do të largohen

19 Nëntor 2017, 10:52, Aktualitet CNA

Pas marrjes së tepsisë së pushtetit nga Partia Socialiste, kjo e fundit është hedhur në aksion për spastrimin e militantëve të LSI nga administrata.

Ditën e martë kryeministri Edi Rama ka paralajmëruar dhe kërkuar që brenda muajit të mos ketë asnjë militant në institucione të emëruar nga presidenti Ilir Meta, asokohe udhëheqës i LSI.

Për qarkun e Gjirokastrës grupi i punës që po monitoron reformën në administratë, ka përgatitur listat dhe ia ka depozituar ato kryeministrit.

Drejtuesit e LSI-së që pritet të shkarkohen janë:

Spiro Diamanti, te Drejtoria Rajonale e Institutit të Sigurimeve Shoqërore

Koçi Rapi te Drejtoria Rajonale e Bujqësisë

Eri Ndreu te Drejtoria e Arkivës Gjirokastër

Filip Vito te Inspektoriati Shtetëror i Mjedisit dhe Pyjeve

Kristaq Xha te Bordi i Kullimit; Nikolla Buka te Ndërmarrja e Trajtimit të Studentëve dhe Ahmet Çabej te Drejtoria Rajonale e Tatimeve.

I prekur nga kjo valë shkarkimesh është dhe qyteti i Sarandës.

Mësohet se në këtë qark nuk është hasur shumë rezistencë dhe grupi i punës ka vijuar punën normalisht, ndërkohë janë emëruar dhe drejtorët e rinj, konkretisht:

Tek Posta Shqiptare, ishte Elton Dauti dhe shkon Filip Xuxi

Tek Dega e Thesarit, ishte Çajup Hajdini dhe shkon Estela Dako.

Nga ana tjetër, vala e ndryshimeve ka preku edhe Autoritetin Portual Sarande, në kryet të së cilit shkon Kozeta Statha, e cila zëvendëson në këtë post Sotir Davellan. Tek Drejtoria Rajonale e Transportit, shkon Elton Dauti.

Zyra Arsimore gjithashtu është prekur nga ndryshimet, në krye të së cilës shkon Vladimir Demaj, duke zëvendësuar në këtë post, Astrit Llanaj.

Edhe pse emrat drejtuesve në qarqe janë bërë publikë për tu larguar nga detyra, mësohet ata nuk kanë pranuar dhe në këtë mënyrë PS-ja ka hasur në rezistencë.

Ajo që dihet dhe është e sigurtë është se të gjithë këta drejtorë do të largohen nga këto poste, vetëm pasi të miratohet buxheti i vitit 2018, në sajë të së cilit do të rishikohet edhe numri i punonjësve të administratës. Megjithatë se çfarë do të ndodh më konkretisht, le të presim ditët në vijim. /CityNews