E fundit!

14:27 Politikë

Rama: Nëse këtu do të kishte lavatriçe parash të pista, nuk do të mbyllnim kapituj me BE-në

Në aktivitetin e programit “Dyfisho sipërmarrjen tënde”, k...

ZGJIDHJA kundër vendimeve të qeverisë për TVSH-në dhe hotelet me 5 yje: U merr të varfërve, u jep të pasurve

15 Nëntor 2017, 11:23, Aktualitet CNA

ZGJIDHJA u shpreh kundër vendimeve më të fundit të qeverisë që uli kufirin e vendosjes së TVSH-së për bizneset dhe dhënien e statusit special për hotelet me 5 yje. Në një reagim në rrjetet sociale, forca politike e drejtuar nga Koço Kokëdhima, u shpreh se këto vendime do të kenë efekte shkatërruese në ekonominë shqiptare.

Reagimi në rrjetet sociale:

U merr të varfërve, u jep të pasurve Këshilli i Ministrave ka miratuar së fundmi dy vendime, që do të kenë efekte shkatërruese në ekonominë shqiptare. I pari ka të bëjë me uljen e kufirit të TVSH-së nga 5 milionë lekë në 2 milionë lekë. Vendimi i dytë ka të bëjë me dhënien e statusit special për hotelet me 4 dhe 5 yje. Siç ju paralajmëruam pak ditë më parë kryeministri po i jep vetes fuqi të paimagjinueshme për një republikë demokratike. Me vendimin e parë për uljen e kufirit të TVSH-së do të fundosë dhjetëra mijë biznese që do të detyrohen të paguajnë tatimin mbi vlerën e shtuar prej 20%. Këtyre bizneseve do t?u shtohet barra administrative dhe nëse nuk do të arrijnë të transferojnë shtimin e kostove në çmimin fundor të produkteve dhe shërbimeve te konsumatori do të detyrohen të falimentojnë. Nga falimentimi i tyre do të përfitojnë direkt zinxhirët e mëdhenj të supermarketeve, që do të kenë më shumë punë dhe më shumë fitime, në kurriz të atyre mijërave të vetëpunësuarve të vegjël, që do të mbesin të papunë. Me vendimin e dytë, kryeministri favorizon direkt miqtë e oborrit të tij, pasi ndryshimet ligjore që miratoi i japin të drejtë të përcaktojë vetë se cilat janë ato hotele që do e marrin statusin special. Ky vendim favorizon një grusht personash dhe godet mijëra hotele të vogla dhe familjare që janë realisht ata që mirëpresin 4 milionë turistët që vijnë në një vit në Shqipëri. Kështu kryeministri shqiptar ua merr paratë të varfërve dhe ua jep të pasurve. ZGJIDHJA do të qeverisë ndryshe. ZGJIDHJA do t?u japë prioritet sipërmarrjeve të vogla e te mesme, që janë zemra e vetëpunësimit dhe e ekonomisë shqiptare. ZGJIDHJA nuk do të bëjë favorizime për askënd dhe parimi i saj bazë në politikat ekonomike do të jetë rritja gjithëpërfshirëse. #ZgjidhjaPërSipërmarrjen/ CityNews