E fundit!

14:27 Politikë

Rama: Nëse këtu do të kishte lavatriçe parash të pista, nuk do të mbyllnim kapituj me BE-në

Në aktivitetin e programit “Dyfisho sipërmarrjen tënde”, k...

Agron Gjekmarkaj sjell trazimet dhe gëzimet e kësaj vjeshte/ Deputeti Salianji si qengji i Naim Frashërit ecën përpara

15 Nëntor 2017, 11:09, Aktualitet CNA

Shtatori,tetori, nëndori, tre muajt e stinës së vjeshtës së bashku me ngjarjet më pikante të ndodhura gjatë këtij sezoni përbëjnë objektivin e shkrim-opinionit të sjellë sot nga Agron Gjekamrkaj, në gazetën ?Panorama?. Titulli i tij është ?Trazimet dhe gëzimet e kësaj vjeshte të nëmur?, kurse më poshtë po sjellim pjesë fragmentare të përzgjedhura.

??Teksa pezullia e shtatorit po i ngurtëson të gjithë në pozicionet e veta të triumfit dhe mërzisë, ia bëhu tetori si një shkundëllimë xhindesh të uritura, duke trazuar kureshtitë tona si garuzhdja groshët në kazanët e ushtrisë. Dosja e rënduar nga përgjimet italiane, e cila përfshinte edhe ish-ministrin e Brendshëm , Saimir Tahiri, u bë nëna e të gjitha ngjarjeve.

Ajo modifikoi të gjitha qëndrimet dhe pozicionet, si të mazhorancës ashtu edhe të opozitës. PD-së së Bashës i erdhi përshtat dy herë, sidomos për trazimet e brendshme.

Tani, vallja kërcehet sipas asaj qemane, me apo pa çitjane. Cdo gjë që ndodhi paskësaj, dorëheqja misterioze e kryetarit të SHISH-it, ngjarjet artificial në Himarë, zhurma në KQZ, aplikimi i ligjit të dekriminalizimit ndaj kryetarit të Bashkisë së Mallakastës, e shoqëruar me kërcënimet e Ramës për shkarkimin e tij, si dhe vënia ne diskutim e mandatit të kreut të KQZ-s, Klement Zguri, arrestimi i një gjyqtari shfaqen mundimshëm si përpjekje për të zënë vëmendjen ndaj skandalit që gozhdoi opinionin publik, i cili për hir të së vërtetës ka një raport shumë të mirë më harresën dhe karremin…

Ndërmjet Salianjit, deputetit të ri të PD-së, i cili si qengji i Naim Frashërit ecën përpara dhe në ia prefshin rrugën njezet a tridhjetë vetë, zu fill një shamatë epike me kolegun e tij të majtë, Ndreu, se ky i paskësh thënë ?ti do rrahur?, duke shprehur kështu një dëshirë të qortueshmë.

Më shumë sesa Rregullorja e Kuventid, zgjidhja mund te gjendet tek një poezi, e cila pak a shumë lëshon këtë kumt që ve melhem mbi plagët e fanitura:

Një djalë papritmas puth një vajzë/ Ajo skuqet dhe bën si e zemëruar/ Djali tolerant i thotë, u fyeve?….Më fyej edhe ti, merrma hakun, më puth!..

Deputeti i Korcës e kishte shume të mirë batutën me palikarin, le t?i gëzohet asaj ditë për ditë, ç?i hyn kot viktimizimit.

Kauzat heroike në PD i ka shteruar Strazimiri, duke rënë theror disa herë për vatanin me përvujtni qytëtare përballë nevrikosjes së pushtetit…

Muaji nëntor na i zë disa ditë me panairin e librit. Një event ky që meriton vëmendje e respekt, duke ditur bezditë dhe teshtimat qe krijon shkrimi dhe leximi sokaqeve tona.

Boll po robtohet Ministria e Kulturës ta nxisë miletin, ta edukojë në lexime kolektive, por nuk gjen partneritet. Njerëzia kërkon punë e bukë, pastaj ndricim mendor. Nuk po ia gjejme dermanin për ta rilindur leximin…

Fatos Lubonja, para ca ditësh bëri një krim kur tha se si ndreqen këto punët shqiptare kaq keq të ngatërruara, opinion publik, media, shoqeria dhe politika nuk na e shkoqiti nese gjithësa kryhej në një plan pesëvjecar apo duheshin nja dy a tre të tille!

Tre shqiptarë, Rita Ora, Dua Lipa dhe Ermal Meta morën tri çmime të rëndësishme ndërkombëtare në muzike. Po të varej gjithësa nga ndonjë juri kombëtare në Tiranë apo Prishtinë, si zor do t?i njihte kush sot, por farefisit dhe miqve. Pas kësaj shpërblese ndërkombëtare nuk është çudi që Kryeministri t?i ftoj në atdhe dhe t?u jap mundësinë për të kënduar live në ERTV. Kështu krijon një tjetër lajm dhe ata e kanë në CV.

Jakë-jakë dhe nëntori po gremiset dhe kjo vjeshtë e nëmur po ia lë vendin një dimri që nuk i mpin as i ngrin akull skandalet e keqqeverisjes, korrupsionit dhe banalitetit, të cilat kanë gjetur këtu tokën e premtuar në çdo stinë dhe punëtorët e palodhur, të cilët vec shtohen si mizat në mëze.