E fundit!

14:27 Politikë

Rama: Nëse këtu do të kishte lavatriçe parash të pista, nuk do të mbyllnim kapituj me BE-në

Në aktivitetin e programit “Dyfisho sipërmarrjen tënde”, k...

Kryeprokurori Llalla sfidon maxhorancën/ Nuk do të largohet nga detyra, ja kush e mbron

15 Nëntor 2017, 09:51, Aktualitet CNA

Megjithëse afati ligjor i përfundon në datën 03 dhjetor 2017 kryeprokurori Adriatik Llalla nuk do të largohet nga detyra, sikurse është paralajmëruar dhe megjithse ligji i ri parasheh se nga kjo datë deri në zgjedhjen e një të riu vendi i tij mund të mbulohet nga një i përkohshëm, as kjo nuk do të ndodh.

Midis këtyre opcioneve ligjore, raporton gazeta ?sot? mazhoranca ka vendosur të përzgjedhë lenien e Llallës në detyrëe deri në muajin mars për të shmangur një përplasje të re politike me opozitën.

Ditët e fundit ka nisur një debat politik, pasi jo zyrtarisht është folur se Llalla do të kërkojë zgjatje të mandatit për shkak të ndryshimeve ligjore. Ai në 3 dhjetor mbyll mandatin 5 vjeçar dhe është folur se kryeprokurori do të kërkojë dhe 2 vite të tjera, për shkak se me ndryshimet ligjore mandati i kryeprokurorit është 7 vjet. Mazhoranca e ka bërë të ditur se nuk do e lejojë një gjë të tillë. Skenari i përfolur deri më tani ishte ai i emërimit të një kryeprokurori të përkohshëm derisa të zgjidhet kryeprokurori i ri.

Mirëpo nuk do të ndodhë kështu. Sapo doli në skenë një plan i tillë, ka pasur reagime shumë të forta nga ana e opozitës, pasi Basha ka deklaruar hapur se nuk do lejojë një veprim të tillë që synon kapjen e organit të akuzës.

Pra zgjedhja e një emri të përkohshëm mund të provokojë përplasje të forta politike dhe mazhoranca ka vendosur që të shmangë një debat të tillë, por njëkohësisht të heqë dhe përgjegjësinë e saj sa i takon mandatit të Adriatik Llallës. Burime të sigurta të gazetës thanë se PS ka vendosur që të presë ngritjen e Këshillit të Lartë të Prokurorisë. Skenari i mazhorancës është që Adriatik Llalla të mbetet në detyrë deri në ngritjen e KLP, institucion që do të bëjë përzgjedhjen e emrit të ri, raporton ?sot?. Në javën e parë të dhjetorit pritet të jepen efektet e para të vetingut dhe emrat e parë që do të verifikohen janë kandidatët e KLGJ e KLP. /CityNews