web counter
LEXO PA REKLAMA!

SHKARKO APP

App Store
Google Play

E fundit!

x

Kryeministri e pranon: Krimi i organizuar nuk është goditur

15 Nëntor 2017, 09:21, Aktualitet CNA

Kryeministri Edi Rama mëngjesin e sotëm ishte i pranishëm në konferencën shkencore ndërkombëtare mbi sfidat bashkëkohore të sigurisë.

Në fjalën e tij, kryeministri Rama ka theksuar se lufta kundër krimit të organizuar dhe rrjeteve kriminale prej vitesh nuk është goditur.

Sipas kryeministrit fokusi dhe prioriteti i qeverisë dhe Policisë së Shtetit do të jetë pikërisht goditja e krimit të organizuar, ndërsa bëri të ditur se vetingu në radhët e Policisë do japë rezultate.

?Vetingu që është organizuar e do fillojë në policinë e shtetit nga janari do japë rezultate të qenësishme sikundër kam besim se brezat që do dalin duke nisur nga së shpejti prej Akademisë do jenë një burim i jashtëzakonshëm transformimi të gjakut të policisë së shtetit.?- deklaroi Rama.

Ndër të tjera, kreu i qeverisë tha se vijimi i goditjeve për të shkatërruar rrjetet e grupeve kriminale mbetet prioritet kryesor.

?I kthehem edhe një herë operacionit forca e ligjit si nje ndërmjarre që do synojë katet më të larta dhe nyjet më të thella të krimit të organizuar që për shumë vite kanë qene larg fokusit të goditjeve.?- u shpreh Rama.

Gjithashtu ai tha se shënjestrimi i aseteve dhe financave me origjinë kriminale është duke i zhveshur këto rrjete nga mundësia e rikthimit dhe duke bërë të mundur një mesazh të qartë që kush përfiton nga krimi nuk i gëzon dot ato që përfiton./ CityNews





Lajmet e fundit nga