E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Tabaku paralajmëron: TVSH për biznesin e vogël do të shkojë në Kushtetuese

1 Nëntor 2017, 17:22, Aktualitet CNA

Deputetja e Partisë Demokratike, Jorida Tabaku, ka mbajtur qëndrim ndaj projektbuxhetit të vitit 2018 të qeverisë Rama.

Sipas Tabakut ?E gjithë vëmendja e publikut, jo më kot, sot është fokusuar në debatin mbi vlefshmërinë dhe logjikën ekonomike dhe kushtetuese të Buxhetit të Shtetit. Fatkeqësisht, ajo çfarë na është paraqitur sot në Komision është vazhdimi i një politike tëgabuar që vazhdon të ngulë gishtin në plagën e hapur në vitin 2014. Vazhdohet të thellohet akoma më tej problemi i borxhit, problemi i shpenzimeve dhe gjithashtu problemi i politikave fiskale?.

Tabaku është shprehur se Partia Demokratike nuk do të lejojë ndryshimin e pragut të TVSH-së, dhe se për këtë do ti drejtohet Gjykatës Kushtetuese.

“Së pari, dua të sqaroj se Partia Demokratike në rastin e miratimit të Projektligjit të ofruar për TVSH-në, i cili kërkon t?i japë një të drejtë antikushtetuese qeverisë për të ndryshuar pragun e TVSH-së me VKM, do ta dërgojë këtë paketë në gjykatën Kushtetuese. Arsyetimi është i thjeshtë, neni 155 i Kushtetutës i jep tagrin vetëm institucionit legjislativ, pra parlamentit, që të vendosë taksat, tatimet dhe detyrimet financiare kombëtare e vendore, lehtësimin ose përjashtimin prej tyre i kategorive të caktuara të paguesve. Projektligji që ka propozuar qeveria do që këtë funksion që Kushtetuta ia jep parlamentit t?ia kalojë qeverisë, qëkjo e fundit të marrë edhe funksionet e institucionit parlamentar përmes një VKM-je”, – tha Tabaku.

Më tej ajo u shpreh se paketa në fjal do u kushtojë xhepave të qytetarëve jo pak por plot 48 milionë dollarë taksa dhe tatime.

“Kjo paketë fiskale do të marrë nga xhepat e qytetarëve dhe nga arkat e Bizneseve të Vogla dhe ato që nuk janë pjesë e oborrit qeveritar 48 mln USD taksa dhe tatime. Nën moton e rilindur ?Të bëjmë propagandë se populli do t?i paguajë taksat tona? qeveria vazhdon të sjellë në kuvend taksa që rëndojnë edhe më shumë xhepat e qytetarëve dhe bizneseve”, – theksoi Tabaku.

Deputetja demokrate është shprehur se “qeveria parashikon rritje të taksave por jo miradministrimin e kësaj rritje, akoma më qartë; qytetarë do t?i paguani taksat e larta por qeveria nuk është e sigurte nëse paratë do të shkojnë në arkën e shtetit apo në xhepin e ndokujt!”, ndërsa shori se kjo qeveri “vazhdon të na mbajë në errësirë për vlerën që do të kenë në buxhet dhe mbi të gjitha në deficitin buxhetor, koncesionet dhe projekti 1 mld euro që ka premtuar të implementojë në vitin 2018”. /CityNews