web counter
LEXO PA REKLAMA!

SHKARKO APP

App Store
Google Play

Zbardhet dosja "Habilaj" / Hetimi nisi një muaj pas largimit të Tahirit

1 Nëntor 2017, 16:08, Aktualitet CNA

Pas bërjes publike të përgjimeve të autoriteteve italiane ndaj bandës së drogës së Habilajve, kushërinj me ish-ministrin e Brendshëm Saimir Tahiri, i cili rezulton gjithashtu i përfshirë në këtë organizatë kriminale, është zbardhur edhe dosja që ka në dorë Prokuroria e Krimeve të Rënda për rastin.

Sipas dosjes në fjalë, thuhet se policia ka nisur procedim penal ndaj Habialjve, një muaj pasi ish-ministri i Brendshëm Saimir Tahiri, u largua nga detyra, për të ardhur në krye të dikasterit Fatmir Xhafaj.

Në investigimin e gazetares Klodiana Lala, thuhet se: “Ishin blutë e Vlorës që në prill 2017, i çuan materialin e parë Prokurorisë për Krime të Rënda, për vëllezërit Moisi e Florian Habilaj dhe disa persona të tjerë, të dyshuar si pjesëtar të një grupi kriminal në fushën e trafikut të drogës”.

Në këtë dosje thuhet se: “Në datë 29 prill 2017 prokuroria regjistroi procedimin penal me nr.164 për veprën penale të trafikimit të narkotikëve në bashkëpunim, mbi bazën e informacioneve referuese të shërbimeve të policisë gjyqësore të seksionit kundër narkotikëve në drejtorinë vendore të policisë Vlorë. Sipas këtyre informacioneve rezulton se Nezar Seitaj, Moisi Habilaj, Florjan Habilaj dhe shtetasi M.M. ushtronin aktivitet kriminal në fushën e trafikimit të narkotikëve”. /CityNews





Lajmet e fundit nga