web counter
LEXO PA REKLAMA!

SHKARKO APP

App Store
Google Play

KQZ publikon raportet për deklarimin financiar të fushatës zgjedhore

1 Nëntor 2017, 14:36, Aktualitet CNA

Kryetari i Komisionit Qendror të Zgjedhjeve, z. Klement Zguri në mbledhjen e sotme bëri të ditur se KQZ ka publikuar raportet financiare të fushatës zgjedhore të partive politike.

Zoti Zguri tha se raportet e depozituara nga partitë politike në KQZ tashmë janë të aksesueshme nga publiku, gazetarët, organizatat që operojnë në fushën e zgjedhjeve, pasi ato janë të publikuara në faqen zyrtare të internetit.

Kryetari i KQZ-së u shpreh se moduli i financimit të partive politike në faqen zyrtare të internetit  të KQZ-së, www.cec.org.al, ku janë të publikuara raportet, është duke u zhvilluar dhe duke u pasuruar me elementë të rinjë, të cilët do të lehtësojnë përdorimin dhe aksesueshmërinë e publikut.

Zoti Zguri deklaroi se  këtë muaj do të publikohen edhe raportet e monitorimit të fushatës zgjedhore nga ekspertët financiarë.

Me ndryshimin e ligjit për ?Partitë Politike?, nga Kuvendi i Shqipërisë me ligjin nr. 90/2017, datë 22.05.2017, për herë të parë partitë politike pjesëmarrëse në zgjedhje,  kanë detyrimin që 60 ditë nga shpallja e rezultatit të zgjedhjeve të dorëzojnë pranë KQZ-së raport që përmban në mënyrë të saktë të ardhurat e përfituara apo që partia politike ka patur në gjendje, të gjitha shpenzimet e kryera në mënyrë të detajuar, bilancin e pasurive apo detyrimet që ka partia politike, për periudhën nga caktimi i datës së zgjedhjeve deri në ditën e zgjedhjeve./ CityNews





Lajmet e fundit nga