Skandali/ Flamur Noka saboton analizën e Lulzim Bashës

1 Nëntor 2017, 12:24, Aktualitet CNA

Ndoshta e padëgjuar më parë dhe e vështirë për tu besuar, por ndodh në Partinë Demokratike dhe gjithçka e inskenuar nga një deputet i saj Flamur Noka.

Në datën 29 tetor, PD dega Kukës kishte planifikuar mbledhjen e kryesisë për të filluar analizën sipas udhëzimit nxjerrë nga Lulzim Basha dhe vendimit të marrë disa javë më parë në kryesinë e PD-së.

I deleguar në këtë qark nga Lulzim Basha është Arben Ibro, ky i fundit sipas axhendës së përcaktuar ka shkuar të zhvillojë mbledhjen dhe për këtë janë njoftuar deputeti i zonës si pjesë e grupit të punës, kryebashkiaku si dhe anëtarë të tjerë që janë pjesa që do të drejtojnë analizën sipas udhëzimit të nxjerrë nga vetë Basha.

Ndërkohë që Ibro është paraqitur në degën e PD-së në mbledhjen e kryesisë është ndodhur përballë një fakti, gati gjysma e anëtarëve të saj nuk ishin të pranishëm dhe kishin braktisur mbledhjen.

Fillimisht u kërkua që mbledhja të shtyhej për pak orë se deputeti ndodhej në Kukës, por po merrte pjesë në dekorimin e ish-gjeneralit Rrahman Parllaku, ky argument fshihte nga pas skandalin politik që për herë të parë dëgjohet në Shqipëri, sabotimin e mbledhjes së kryesisë pasi shumica e anëtarëve të saj ishin kundër deputetit Flamur Noka dhe kryebashkiakut Bashkim Shehu të cilët kanë nën kontroll disa të zgjedhur në kryesi dhe që i urdhëruan të bojkotonin mbledhjen.

Arben Ibro është ndodhur përballë faktit ku gjysma e kryesisë nuk ishte e pranishme, kjo me urdhër të Flamur Nokës dhe Bashkim Shehut, të cilët janë të parët zyrtarë politik në Shqipëri që falimentojnë mbledhjen e kryesisë së partisë së tyre sepse struktura i kundërshton haptaz për shkak të shkatërrimit që ata i kanë bërë strukturave dhe përçarjes që kanë nxitur në bazën e PD-së.

Burime i thanë CityNews.al se analiza nuk është zhvilluar, i deleguari ka pirë një kafe me gjysmën e kryesisë dhe më pas është larguar.

Ndërkohë Flamur Noka ka shkuar te dekorimi i Rrahman Parllakut i cili është një nga gjeneralët e dyshuar për masakrën e Tivarit.

Flamuri braktisi PD-në, analizën e urdhëruar nga Lulzim Basha jo për të shkuar te dekorimi. Çdo lëvizje ka nga pas një qëllim të vetëm, ndaljen e zërave ndryshe dhe kundër për të thënë të vërtetën. Flamur Noka i trembur dhe i llahtarisur nga e vërteta që mund të përballej, për akuzat ndaj tij dhe kryebashkiakut si ortak i tij ka zgjedhur të sabotojë mbledhjen dhe të futë në një ndarje më të thellë degën e PD-së në Kukës.

Në zgjedhjet e fundit, PD pati një rënie drastike në qarkun e Kukësit dhe socialistët për pak vota mund të siguronin mandatin e dytë.

Flamur Noka ka frikë të përballet me faktet dhe të vërtetat që pritet ti vendosin përpara demokratët.

Ai është fshehur dhe nuk ka kurajo të përballet me strukturat e PD-së të cilat po i përçan më tej duke rrezikuar që në zgjedhjet e ardhshme, PD të humbë zgjedhjet për bashkinë e këtij qyteti./ CityNews