Rama rikthen bashkëpunimin me Metën/ I “fal” kreun e SHISH-it për t’i pastruar dosjen në prag të Vettingut

1 Nëntor 2017, 11:46, Aktualitet CNA

Pas një ?ngrirjeje? disa mujore është rikthyer sërish bashkëpunimi për interesa personal në mes të kryeministrit Edi Rama dhe kreut të shtetit Ilir Meta.

Përtej inateve personale, ka dominuar logjika e ftohtë e mbështetjes për njëri tjetrin për interesin e tyre të ngushtë personal, por në kurriz të interesit të shqiptarëve.

Dhe pika që i ka bashkuar ka qënë dorëheqja e Visho Ajazi Likës nga kreu i SHISH dhe dekretimi i emrit të ri si kryespiun i Shqipërisë. Dhe nuk ka asnjë dyshim që Presidenti Ilir Meta tashmë e ka marrë kreun e Shërbimit Informativ Shtetëror.

Të gjitha gjasat janë që Helidon Bendo i propozuari i kryeministrit Edi Rama për postin e kreut të ri të SHISH të jetë ?dorë? e Metës. Pavarësisht se kreu i shtetit ka lënë për të kuptuar se do shfrytëzojë të gjithë hapësirën kohore për t?u menduar përpara se të vendosë firmën në dekretin për emrimin e Bendos në krye të shërbimit sekret shqiptar.

Pavarësisht se Meta bën sikur po mendohet për dekretimin e emrit të tij, të gjitha informacionet jo zyrtare konfirmojnë se Helidon Bendo është njeriu i tij. Dhe për emrin është rënë dakord menjëherë me kryeministrin Edi Rama, që të jetë pasues i Visho Ajazi Likës në krye të SHISH. Ku me sa duket Rama e ka ditur lidhjen e hershme me Metën e të të propozuarit të tij që është paraqitur në tavolinën e Presidentit si një kandidaturë e sigurtë që nuk do sillte një përplasje të panevojshme mes Metës dhe Ramës.

Pikërisht në këtë situatë aspak të lehtë për politikën shqiptare, e cila pritet që në nëntor të kalojë në ?filtrin? e FBI-së amerikane bashkë me drejtësinë. Përkundrazi ka shërbyer si një pikë rinisje e bashkëpunimit të tyre. Ndërkohë që Rama në këtë rast është i fituar për shkak se i mbyll gojën e opozitës me këtë kandidaturë që nuk është e tija. Por që gjithsesi sipas burimeve është ku e ku më e ?rehatshme? për të punuar e bashkëpunuar me të se sa ajo e Visho Ajazi Likës. Aq më tepër që tashmë fillon kjo fazë e re bashkëpunimi mes Ramës dhe Metës, si krerët më të lartë të institucioneve shqiptare.

Kreu i dorëhequr i SHISH, Visho Ajazi Lika, ishte një shërbëtor i palëkundur e një informator i paekuivok i ish kryeministrit Sali Berisha. Të cilit i shërbente deri në adhurim, madje duke shkelur dhe mbi ligjin, siç ishte rasti i i hedhjes për konsum politik i informacioneve të paverifikuara siç ishte ai i Gjadrit apo informacione të tjera që kanë qënë pjesë e ?axhendës? së Berishës në rrjetet sociale, duke shërbyer për të bërë opozitë me ?qytetarin dixhital?.

Pa llogaritur këtu përgjimet e gjithë politikës dhe krerëve të Policisë së Shtetit nga qendra në bazë. Ndërkohë që i propozuari për kreun e ri të SHISH Bendo do të ?pastrojë? dosjen e të gjitha informacioneve që ?zhysin? Ilir Metën. Një pastrim që do të shkatërronte tërë ngrehinën e Vettingut dhe të Reformës në Drejtësi për të cilat partnerët tanë ndërkombëtarë SHBA dhe BE u investuan gjatë këtyre viteve të fundit. Gjithsesi të presim që kreu i ri i SHISH të dekretohet dhe të marrë detyrën e re. Ka një përvojë të gjatë në shërbimin sekret Bendo, i rekrutuar që në kohën e Gazideses si ish student i tij në fakultetin e shkencave.

Si të gjithë të rekrutuarit e tij, që gjithsesi e kanë gjetur gjithnjë gjuhën e përbashkët me Metën e njejta pritet të ndodhë edhe këtë herë. Ndërkohë. ajo që të bën të shohësh me shqetësim rastin është fakti se Rama dhe Meta i janë rikthyer sërish bashkëpunimit mes tyre. Bashkëpunim që, si gjithnjë, është në kurriz të shqiptarëve.

Një bashkëpunim mes kryeministrit Rama që mori 74 mandate për të qeverisur vetëm dhe një presidenti si Meta që e ka vendin në burg. Por Rama sygjestionohet nga Meta me sa duket, por edhe nga krimi që është pas Metës./Pamfleti.com