web counter
LEXO PA REKLAMA!

SHKARKO APP

App Store
Google Play

Kryemadhi pret ambasadoren Jiang Yu/ LSI rikthen miqësinë e zjarrtë shqiptaro-kineze

1 Nëntor 2017, 12:09, Aktualitet CNA

Kryetarja e LSI, Monika Kryemadhi priti sot në një takim Ambasadoren e Republikës Popullore të Kinës, Jiang Yu.

Kryetarja e LSI vlerësoi marrëdhëniet e shkëlqyera miqësore midis dy vendeve, duke vlerësuar gjithashtu angazhimet e Kinës në mbështetje të zhvillimit ekonomik të Shqipërisë.

“Ne mbështesim programin ?Një Brez Një rrugë? dhe procesin 16+1 për Evropën Qendrore dhe Lindore dhe e shohim si një mundësi të rëndësishme bashkëpunimi mes dy vendeve?, tha kryetarja e LSI-së Monika Kryemadhi .

Kryemadhi, e cila shprehu mbështetjen e plotë për krijimin në Shqipëri të Qendrës së Organizatave Rinore në kuadër të kësaj nisme. Gjithashtu, Kryetarja e LSI shprehu falenderimet ndaj Ambasadores Jiang Yu për rolin e saj në fortësimin e këtij bashkëpunimi në të mirë të të dyja vendeve.

Kryemadhi vlerësoi fokusin që Ambasada i kushton projekteve vendore dhe zhvillimit të sektorit të bujqësisë dhe sektorë të tjerë të zhvillimit. Ambasadorja e Kinës Yu vlerësoi rolin që LSI jep në arenën politike shqiptare dhe shprehu gatishmërinë për të vazhduar thellimin e bashkëpunimit.

Gjatë fjalës së saj Ambasadorja u shpreh se marrëdhëniet mes dy vendeve zhvillohen duke u bazuar mbi marrëdhëniet njerëzore, të qeverive, por edhe të partive politike.

?Shqipëria s?është një vend i vogël, por vend me rol shumë të rëndësishëm në diplomacinë Kineze. Roli im është i dedikuar në rritjen sa më shumë të nivelit të bashkëpunimit diplomatik Shqipëri-Kinë?, është shprehur ndër të tjera Ambasadorja.

Në takim Kryemadhi ka qenë e shoqëruar nga kryetari i Grupit Parlamentar të LSI, Vasili dhe nga deputeti, njëherazi anëtar i Grupit Parlamentar të Miqësisë Shqipëri-Kinë, Edmond Haxhinasto. /CityNews





Lajmet e fundit nga