web counter
LEXO PA REKLAMA!

SHKARKO APP

App Store
Google Play

E fundit!

x

E thotë Strazimiri/ Amerikanët e Bashës ishin mizerabël

1 Nëntor 2017, 12:52, Aktualitet CNA

Partia Demokratike po zhvillon analizën e saj në degë. Në shumicën e tyre ka pasur kundërshti dhe debate të forta, por dhe akuza të drejtpërdrejta për Lulzim Bashën.

Militantët dhe anëtarët kërkojnë llogari për katastrofën elektorale të 25 qershorit, përçarjet e PD-së dhe pazaret e pista të Lulzim Bashës mbi kurrizin e tyre.

Aktualisht po zhvillohet analiza në Farkë, një nga zonat e njohura si mbështetëse e PD-së.

Aty është dëgjuar dhe çudia e radhës nga deputeti i Lulit, Gent Strazimiri, sipas të cilit këshilltarët amerikanë të Lulzim Bashës ishin përgjegjës për humbjen e zgjedhjeve të 25 qershorit.

Një nga anëtarët e degës i është drejtuar Gent Strazimirit duke e pyetur: Sali Berisha akuzoi se ne humbëm nga këshilltarët mizerabël të Lulzim Bashës, pse nuk na i tregoni kush janë ata?

I menjëhershëm ka qënë reagimi i Gent Strazimirit, i cili me statusin e të deleguarit është përgjigjur duke thënë ?Këshilltarët mizerabël të Lulzim Bashës janë amerikanët, të cilët erdhën këtu dhe po zhvillonin fushatë si në Teksas, ata janë këshilltarët mizerabël, ne jemi në Shqipëri jo në Amerikë?, ka thënë Strazimiri duke gjetur ?armiqtë? të vërtetë të PD-së si shkaktarë dhë përgjegjës të PD për humbjen e 25 qershorit.

Për Strazimirin PD humbi për shkak të këshilltarëve amerikanë, kur në fakt nga ata këshilltarë fitoi në 2005, në 2009 dhe vetë Lulzim Basha në 2011.

Sot, ata janë ?armiku? që shkaktuan humbjen./ CityNews





Lajmet e fundit nga