Ministri Klosi: Situata alarmante në mjedis, pasojë e mosveprimit të Inspektoriatit

1 Nëntor 2017, 13:38, Aktualitet CNA

Ministri i Turizmit dhe i Mjedisit, Z. Blendi Klosi mblodhi sot strukturat mjedisore të Inspektoriatit Shtetëror të Mjedisit (ISHMP), Agjencisë Kombëtare të Mjedisit (AKM) dhe Agjencisë Kombëtare të Zonave të Mbrojtura (AKZM) të të gjithë Shqipërisë, për të komunikuar strategjinë e operacionit ?Të Pastrojmë Shqipërinë?.

Por, fjalën përpara inspektorëve të mbrojtjes së mjedisit, Ministri Klosi e nisi me kritikën e ashpër për lënien e mjedisit, si mallin pa zot. Situata mjedisore sot, sipas ministrit Klosi, është në rastin më të mirë, pasojë e mosveprimit të strukturave shtetërore në terren, duke e ilustruar edhe me rastet konkrete kur vendimi për heqjen e lejeve për bizneset ndotëse të mjedisit, është pezulluar ditën tjetër.

?Ndotësit mjedisorë nuk janë anonimë?-, deklaroi ministri Klosi- ?Askush nuk e ka ndotur mjedisin, as në fshehtësi dhe as nuk e ka fshehur ndonjëherë identitetin. Kjo ka ndodhur sepse askush nuk ka patur frikë nga reagimi ligjor i strukturave tuaja – u tha më tej inspektorëve, Ministri i Turizmit dhe Mjedisit.

?Nuk ka asnjë ndotës të kategorive të ndryshme i cili me zyrat e shtetit, nuk ka një kontratë për mbrojtjen e mjedisit. Në shumicën e rasteve kjo kontratë nuk është zbatuar dhe kjo është arsyeja që mjedisi konsiderohet si mall pa zot, pasi institucionet tona në asnjë rast nuk kanë qenë aty ku duhet për të kuptuar që realiteti është krejt tjetër?- theksoi ministri Klosi i cili vuri në dukje se funksionimi i institucionit të Inspektoriatit Mjedisor nuk është raporti me bllokun e gjobës, por është raporti me realitetin, duke shtuar se si në çdo inspektoriat tjetër, sistemi i gjobitjes do të bëhet online.

Kreu i Turizmit dhe Mjedisit tha se janë evidentuar 800 ndotës të mëdhenj që kanë të bëjnë me shtretërit e lumenjve apo me përdoruesit e ujit të cilat në letrat zyrtare rezultojnë se janë korrektë me kontratën mjedisore, por në realitet e vërteta është krejt ndryshe. ?Po të shikosh të vërtetën, ajo është krejt tjetër në raportet që vijnë në zyrat tona të administratës. Lumenjtë tanë fatkeqësisht vazhdojnë të jenë landfillet publike të shumë ish-komunave që mbetjet vazhdojnë t?i derdhin në lumë. Lumenjtë tanë dhe pastaj deti apo bregdeti që duam që të kemi zhvillimin e turizmit, vazhdojnë të jenë të nëpërkëmburit më të mëdhenj të mjedisit?- tha minsitri Klosi i cili në fjalën e tij preku edhe aksionin më të fundit për mbylljen e mbi 180 pikave të skrapit në Tiranë, një aksion ky në bashkëpunim me bashkinë e Tiranës.

Ministri Klosi e konsideroi një këmbanë alarmi atë që kishte ndodhur ditë më parë në Lumin Erzen ku janë hedhur mbetjet spitalore, dhe kërkoi nga të gjithë inspektorët e mjedisit që të jenë në krye të detyrës.

Në përfundim të fjalës së tij Ministri Klosi bëri me dije se sekretari i përgjithshëm i Ministrisë së Turizmit dhe Mjedisit, z. Plarent Ndreca, do të drejtojë Inspektoriatin për një periudhë kohe deri në momentin e një reformimi të plotë të këtij institucioni dhe vënies së tij në shinat ligjore në zbatueshmëri të plotë të rregullave të bashkëjetesës me qytetarët.

Njëherësh ministri Klosi vuri një afat prej 20 ditësh që të gjitha strukturat mjedisore të shpërndahen në terren për të inspektuar, fotografuar, mbledhur informacion të detajuar dhe verifikuar çdo ndotje në të gjithë territorin e Republikës së Shqipërisë me qëllim krijimin për herë të parë të hartës së papastërtive . I gjithë ky informacion që do të përmbyllet me 20 nëntor 2017 do të shërbejë si një databazë e plotë për implementimin e operacionit ?Të pastrojmë Shqipërinë?./ CityNews