web counter
LEXO PA REKLAMA!

SHKARKO APP

App Store
Google Play

Spartak Ngjela kundërshton Nanon për Azem Hajdarin/ Ishte politikan, e donte populli

1 Nëntor 2017, 15:49, Aktualitet CNA

Avokati i njohur Spartak Ngjela, ka kundërshtuar analistin Mustafa Nano pas deklaratës së tij kundër dëshmorit të demokracisë, Azem Hajdari.

Me anë të një postimi në rrjetet sociale, Ngjela shprehet se nuk mund të flas dikush për Azem Hajdarin pa e njohur atë, ndërsa shton se ai ishte politikan që e donte populli.

“Pse flisni për Azem Hajdarin pa njohur filozofinë e politikës?
Azemi ishte politikan dhe pa ndërprerje deputet i zgjedhur nga populli.
Azem Hajdarin nuk e zgjodhën kongreset në krye të politikës; por mbështetja e madhe që i bënin vazhdimisht shqiptarët.
Ishte i pranuar me një pranim mbarëkombëtar.
Kishte karizmëm të padiskutueshme.
A e dini ju se çfarë është karizma?
Ai është i vetmi lider i viteve 90′ që u krenua me prejardhjen e një njeriu të thjeshte: ” E kam nder që jam biri i një pastrueseje të thjeshtë”, tha, se kishte karizmëm.
Dhe, ajo më kryesorja: Azem Hajdarin e donte populli i vet në mënyrë të veçantë.”, – shkruan Ngjela teksa kundërshton Nanon.

Sipas Ngjelës kjo është mjafton për të hyrë në histori, ndërsa të tjerat u takojnë historianëve për t’i treguar.

“Kaq mjafton për të hyrë në histori.
Gjithë të tjerat pritni t’i mësoni nga historianët.
E donte populli i vet, se i kthente atë që kuptonte – dashurinë që ai kishte për popullin e vet.
Gjithë të tjerat janë fjalë.”, – shprehet Ngjela. /CityNews





Lajmet e fundit nga