Presidenti Thaçi sulmon nëpërmjet gazetës gjermane/ KE e padrejtë me Kosovën

27 Tetor 2017, 15:27, Aktualitet CNA

Nëpërmjet gazetës “Der Standard”, presidenti kosovar Hashim Thaçi ka sulmuar Komisionin Europian, i cili, sipas tij: është treguar i padrejtë me Kosovën.

I intervistuar nga presticiozI gjermane, e sjellë në shqip nga “Zeri.info”, Thaçi i ka dhenë përgjigje edhe pyetjes rreth propozimit të bërë prej tij e sipas të cilit kosovarët duhet të pajisen me nënshtetësi të Shqipërisë. Pse, në të vërtetë? Pyet ?Der Standard?? Dhe ja përgjigja e presidentit Thaçi:

?Kosova është lënë në izolim, ende nuk ka liberalizim të vizave. Propozimi im është në pajtim të plotë me ligjet e Kosovës dhe të Shqipërisë. Ata kanë të drejtën e dyshtetësisë, ashtu siç kemi edhe ne. Është me të vërtetë një absurditet që studentët dhe njerëzit e biznesit që kanë nevojë të udhëtojnë, të pengohen nga ushtrimi i të drejtës së tyre elementare. Komisioni Evropian ka qenë i padrejtë ndaj Kosovës. Prandaj, qytetarët janë duke humbur besimin që Komisioni Evropian mund të ketë ndonjë agjendë pozitive për Kosovën?.

Nëse ka liberalizim të vizave, atëherë kosovarët nuk do të kenë nevojë për shtetësi shqiptare. Apo ju dëshironi që, pavarësisht kësaj çështjeje, të gjithë kosovarët të pajisen me shtetësi shqiptare? Pyet sërish gazeta gjermane, kurse Thaçi përgjigjet:

?I mbetet kosovarëve të vendosin nëse dëshirojnë dyshtetësi apo jo. Por, nëse Komisioni Evropian vazhdon me këtë izolim, madje edhe duke e dënuar Kosovën, atëherë ka mundësi që të ndodhi kjo. Kosova ka përmbushur plotësisht 94 nga 95 kriteret për liberalizim të vizave. Ne kemi qenë lojalë, por përmbushja e këtyre kritereve nuk është shpërblyer nga Komisioni Evropian. Komisioni Evropian është i fokusuar vetëm në Serbi dhe është i shqetësuar vetëm për Serbinë, por jo edhe për shtetet e tjera të Ballkanit Perëndimor. BE-së i duhet lidership kur janë në pyetje politikat e integrimit dhe të zgjerimit.

Mirëpo ?Der Standard? i rikujton se liberalizimi nuk mund të ndodhë përsa kohë të mos ratifikohet marrëveshja e kufirit me Malin e Zi, dhe Presidenti kosovar jep këtë përgjigje:

? Kosova dhe Mali i Zi janë partnerë strategjikë dhe kanë marrëdhënie të shkëlqyera. Demarkacioni nuk është një mosmarrëveshje midis Kosovës dhe Malit të Zi, por një çështje e brendshme politike këtu në Prishtinë. Ne kemi qenë të befasuar kur Komisioni Evropian e ka vendosur atë si kusht. Por, ratifikimi i demarkacionit nga një kusht u shndërrua në një kurth për Kosovën?.

Der Standard: Pra, nuk mendoni se Kosova do të jetë në gjendje të ratifikojë së shpejti këtë marrëveshje?

Thaçi: Unë shpresoj që kjo të ndodh së shpejti në Parlament, por ende nuk kemi datë për këtë çështje. Por, ne mbesim të shqetësuar sepse lehtë mund të ndodhë që edhe përkundër ratifikimit të demarkacionit, Komisioni Evropian do të hezitoj të përmbyll me sukses procesin e liberalizimit të vizave.