web counter
LEXO PA REKLAMA!

SHKARKO APP

App Store
Google Play

Kontrabandonte metrazhe/ Arrestohet transportuesi i mallit, procedohet doganieri

26 Tetor 2017, 11:38, Aktualitet CNA

Në vijim të punës për goditjen e paligjshmërisë Policia e Elbasan, ka evidentuar dhe goditur një  rast të kontrabandimit të metrazheve.

Si rezultat, është arrestuar në flagrancë shtetasi: Petrit Abedini, 58 vjeç banues në Tepelenë.

Arrestimi i tij, u bë pasi në Lagjen ?Emin Matraxhiu? në unazën e qytetit, u kap në flagrancë me një kamion duke tregëtuar mallra të ndryshme dhe duke shkarkuar  mallra në një furgon, pa dokumentacion përkatës.

Grupi hetimor, pas verifikimeve të para hetimore, sekuestroi kamionin të ngarkuar me metrazhe me 2000 kg pëlhurë (astarë) të reja dhe 960 kg mallra të ndryshme që dyshohen të jenë futur kontabandë nëpërmjet Pikës së Kalimit Kufitar Tre Urat Përmet.

Në vijim të veprimeve hetimore të kryera me këtë rast kontabande, veprimet hetimore kanë vijuar nga sektori për Hetimin e Krimit Ekonomik dhe Financiar në  Drejtorinë Vendore të Policisë Gjirokastër,  ku ka filluar procedimi penal ndaj shtetasit A.I., 33 vjeç banues në Përmet me detyrë doganier në Degën Doganore Tre Urat Përmet.

Proçedimi ndaj tij filloi në hyrje të Republikës së Shqipërisë në Pikën e Kalimit Kufitar Tre Urat dyshohet se nuk ka ushtruar kontroll në kamionin që drejtohej nga shtetasi Petrit Abedini, i është arrestuar nga Policia e Elbasanit me konfeksione të dyshuara kontrabandë./CityNews





Lajmet e fundit nga