E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Shkatërrohet grupi i shfrytëzimit të prostitucionit/ Ja emrat e të arrestuarve

26 Tetor 2017, 09:21, Aktualitet CNA

Policia e Tiranës njoftoi sot se një grup i strukturuar kriminal i cili merrej me shfrytëzim prosititucioni është shkatërruar, ndërsa në pranga kanë rënë 10 persona.

Në një dalje për mediat, drejtori policisë së Tiranës, Ardi Veliu ka bërë të ditur emrat e të arrestuarve, ndërsa theksoi se operacioni u krye pas një hetimi 5 mujor me metoda speciale në bashkëpunim me Prokurorinë e Rrethit Gjyqësor Tiranë.

Kreu i policisë së Tiranës, Veliu tha se organizatorët e këtij aktiviteti kanë shfrytëzuar për prostitucion vajza të moshave të ndryshme.

Mësohet se gjatë arrestimeve të bëra, në disa prej ambienteve është gjetur lëndë narkotike e llojit Kokainë e ndarë në porcione, të cilat janë sekuestruar.

Bëhet e ditur se në këtë operacion janë sekuestruar në cilësinë e provave materiale: 2 automjete, 9 aparate telefonike, 1 dozë kokainë si dhe një shumë prej 10.000 lekësh.

Konferenca për media e Drejtorit të Policisë Vendore Tiranë, Ardi Veliu:

Strukturat e Policisë së Tiranës, në bashkëpunim me Prokurorinë Tiranë, kanë finalizuar me sukses operacionin e koduar ?Taksi e lirë 2?, gjatë të cilit janë arrestuar 10 shtetas, si dhe janë proceduar 3 të tjerë, të cilët ushtronin veprimtari të paligjshme, një rrjet për ?shfrytëzim prostitucioni?.

Shtetasit e arrestuar janë si më poshtë:

Janë proceduar në gjendje të lirë shtetasit me inicialet:

Operacioni për goditjen e këtij grupi të strukturuar kriminal, u finalizua nga Seksioni për Trafiqet e Paligjshme në Drejtorinë Vendore të Policisë Tiranë, mbas një hetimi 5 mujor me metoda speciale në bashkëpunim me Prokurorinë e Rrethit Gjyqësor Tiranë.

Shtetasit e arrestuar në flagrancë në kuadër të operacionit dyshohen si autorë të veprave penale si: ?Shfrytëzim të prostitucionit?, ?Mbajtje dhe vënie në përdorim të ambienteve për prostitucion?, ?Prodhim dhe shitje të narkotikeve? si dhe ?Prostitucionit?.

Në kuadër të procedimit penal viti 2017, është bërë e mundur të dokumentohet veprimtaria kriminale e shtetasve të sipërpërmendur, të cilët në kohë dhe vende të ndryshme në qytetin e Tiranës, kanë shfrytëzuar, ndërmjetësuar dhe marrë pagesa për prostitucion, që shkonin nga 50 deri 150 euro.

Organizatorët në këtë aktivitet – A.K, J.M, R.G, E.SH, A.S dhe E.M, në bashkëpunim me njëri-tjetrin, – kanë shfrytëzuar për prostitucion vajza të moshave të ndryshme, (emrat e të cilave i cituam më lart), për të ushtruar prostitucion me klientët e gjetur prej organizatorëve.

Aktiviteti kriminal lehtësohej nëpërmjet aktivitetit si taksist të shtetasve R.G dhe G.K, duke bërë të mundur transportimin e vajzave, që ushtronin prostitucion, në hotele dhe ambiente që njehsohen me to, të tilla si ambienti ?Hotel? pranë kryqëzimit të ?Tregut elektrik?, në pronësi të shtetasit A.N.

Gjatë arrestimeve të bëra, në disa prej ambienteve është gjetur lëndë narkotike e llojit Kokainë e ndarë në porcione, të cilat janë sekuestruar.

Në këtë operacion janë sekuestruar në cilësinë e provave materiale: 2 automjete, 9 aparate telefonike, 1 dozë kokainë si dhe një shumë prej 10.000 lekësh.

Materialet procedurale do t?i kalojnë Prokurorisë së Rrethit Gjyqësor Tiranë për hetime të mëtejshme, për të zbuluar lidhjet dhe shtrirjen e mundshme të këtij rrjeti kriminal.

Policia e Shtetit vijon punën për kontrollin e territorit, parandalimin e ngjarjeve kriminale dhe goditjen e paligjshmërisë, e në këtë kuadër fton qytetarët të telefonojnë falas në numrat 112 dhe 129, kur konstatojnë paligjshmëri, duke i garantuar për reagim të shpejtë dhe të paanshëm./ CityNews