web counter
LEXO PA REKLAMA!

SHKARKO APP

App Store
Google Play

Zyrtari amerikan: Askush nuk mund të dalë mbi ligjin, qeveria duhet të japë shembullin e parë

26 Tetor 2017, 07:42, Aktualitet CNA

Gjatë qëndrimit të tij në Kosovë, Zv.ndihmës sekretari amerikan i shtetit, Hoyt Brian Yee, në një interviztë për ?Zërin e Amerikës? ka folur edhe për zhvillimet politike në Shqipëri.

Duke folur për zhvillimet në Shqipëri, ai tha se ligji duhet zbatuar njësoj për të gjithë, se askush nuk mund të ketë imunitet, dhe se individët nuk duhet të vihen në shenjëstër pse i përkasin një partie a një tjetre, por qeveria shtoi ai, duhet të japë shembullin se është seriozisht e angazhuar për të luftuar korrupsionin.

Gjithashtu zyrtari amerikan tha se SHBA është duke ofruar drejtpërdrejtë ekspertizën teknike dhe ndihmën financiare, në ndërtimin e strukturave, në trajnimin e gjykatësve dhe prokurorëve, për t?u ndihmuar që të kryejnë punën e tyre.

?Sinqerisht, nuk mund të flas dot mbi rastet individuale, por gjithsesi besojmë në disa parime. I pari është se ligji duhet të jetë i zbatueshëm për të gjithë njësoj, askush nuk duhet të jetë mbi ligjin, askush nuk mund të gëzojë imunitet nga ligji. Mbështesim plotësisht prokurorët dhe gjykatësit, të cilët ndjekin hetimet, dënimet, kudo që ato çojnë, në nivele të larta apo të mëposhtme të administratës.?- u shpreh Hoyt Brian Yee.

Ndër të tjera Hoyt Brian Yee tha se qeveria është ajo e cila duhet të japë shembullin dhe të demonstrojë para qytetarëve se është e përkushtuar të luftojë korrupsionin, qofshin ata qytetarë, zyrtarë qeveritarë, të huaj apo shqiptarë./ CityNews





Lajmet e fundit nga