web counter
LEXO PA REKLAMA!

SHKARKO APP

E fundit!

x

Meta pret Haradinaj/ Dialogu me Serbinë, në funksion të paqes së rajonit

27 Shtator 2017, 11:50, Aktualitet CNA

Presidenti i vendit, Ilir Meta ka pritur sot në një takim kryeministrin e Kosovës Ramush Haradinaj, i cili ndodhet për një vizitë zyrtare në Tiranë.

Meta e uroi Haradinaj për krijimin e qeverisë së re të Kosovës si dhe për detyrën e rëndësishme si kryeministër i Republikës së Kosovës.

Presidenti Meta shprehu angazhimin e tij për bashkëpunimin e ngushtë me institucionet e Kosovës, në interes të rritjes së mëtejshme të njohjeve ndërkombëtare si edhe forcimit të perspektivës së saj evropiane.

Presidenti Meta theksoi rëndësinë e intensifikimit të mëtejshëm të shkëmbimeve ekonomike, tregtare, shkencore, arsimore, turistike, kulturore dhe të gjitha formave të tjera mes dy vendeve tona.

Gjithashtu Meta përshëndeti gatishmërinë e kryeministrit Haradinaj dhe qeverisë së re të Kosovës për vazhdimin e dialogut me Serbinë, si një proces pa alternativë dhe në funksion të paqes dhe stabilitetit të rajonit./ CityNews





Lajmet e fundit nga