EDITORIAL/Marrëveshja PS-Qeveri, fundi i militantëve dhe nepotizmit apo manovra e rradhës

27 Shtator 2017, 09:00, Aktualitet CNA

Sikurse është bërë e ditur publikisht, një marrëveshje midis Qeverisë Rama dhe Partisë Socialiste të drejtuar po nga Rama është firmosur ditën e djeshme në takimin që grupi parlamentar i kësaj partie ka mbajtur në selinë e Parlamentit.

Akt marrëveshja dhjetrafaqëshe përmban strategjinë e bashkëveprimit të ministrave e deputetëve për të garantuar një Qeveri të shërbesave ndaj qytetarëve dhe jo të përfitimit vetiak.

Midis të tjerave ajo që tërheq vëmendjen në këtë marrëveshje është fakti se për të parën herë në të përcaktohet qartë qëndrimi që titullarët e dikastereve, si dhe deputetët, duhet të mbajnë ndaj militantëve dhe të emëruarve nepotikë, kontigjenti i të cilëve për dekada të tëra ka qenë i privilegjuar dhe, përveç paaftësisë profesionale, rezultojnë të kenë qenë dhe zyrtarët stimulus të aferave korruptive.

Lidhur me qëndrimin që duhet mbajtur ndaj të tillëve në marrëveshjen e djeshme, midis të tjerave, theksohet se në kuadër të ristrukturimit të administratës, drejtuesit e dikastereve dhe institucioneve të tjerë të ndërvarura duhet të bashkëpunojnë me deputetët për të çmontuar nga rradhët e administratës publike të gjithë të emëruarit që si diplomë kanë militantizmin dhe nepotizmin. Madje përmbajtja e kësaj pike shkon deri në ekstrem kur urdhëron që të gjithë ata që konstatohet se kanë abuzuar me detyrën gjatë viteve të shkuara të dërgohen për ndjekje penale.

?Palët angazhohen për të vendosur para përgjegjësisë në kohë reale çdo zyrtar që identifikohet në shkelje të së drejtës së qytetarit për të marrë një shërbim apo rezulton në shkelje të etikës në shërbim të publikut. Për të dekurajuar çdo formë nepotizmi e klientelizmi partiak në emërime dhe për të reaguar vendosmërisht ndaj çdo rasti, kur konstatohen këto fenomene?, lexohet ndër të tjera në pikën respektive të marrëveshjes. Përmbajtja e të cilës është konform detyrave që shtron realiteti i mbarsur me këtë fenomen, megjithatë duke patur parasysh të shkuarën dekurajuese mbetet për tu verifikuar implementimi.

Ky katër vjeçar do të sjellë çmilintatizmin dhe antinepotizmin e administratës, apo edhe këtë herë gjithçka është një show. Pasi po të njejtin premtim bëri Edi Rama edhe në katër vjeçarin e parë të mandatit qeverisës, por jo vetëm nuk ja ndali hovin pushtimit të administratës nga militantizmi dhe nepotizmi, por e dhjetëfishoi numrin e kontigjenteve të tilla, duke mos lenë militant injorant, por edhe soj e sorollop ministrash e deputetësh pa i punësuar nëpër qoshe të ngohta të administratës, ku paraja publike derdhej lumë./CityNews