Ndërtimi dhe hipoteza e dytë e Fatos Lubonjës/ Krimi dhe heshtja kompromentuese e opozitës

27 Shtator 2017, 10:44, Aktualitet CNA

I pjesëmarrë në debatin më të fundit, rreth dhënies së lejeve të ndërtimit pa kufi nga Rama-Veliaj, analisti Fatos Lubonja ka publikuar sot në ?Panorama? shkrimin-opinion, nëpërmjet të cilit reket të shpjegojë raportin midis asaj çka ofron Shqipëria e varfër, bumit të ndërtimeve dhe heshtjes së opozitës.

??Bumi i lejeve të ndërtimit që po jep së fundmi dyshja Rama-Veliaj, si për kulla të larta dhe pallate banimi, por edhe për qendra të reja tregtare, paralajmërohet se mund të rezultojnë në flluska piramidale të rrezikëshme për ekonominë shqiptare??, shkruan Lubonja. Për të cilin gjithsa është shkruar deri tani rreth këtij fenomeni ndalet deri këtu, ndërkohë që askush nuk komenton ?ku fle lepuri i këtij projekti kaq paradoksël?, siç shprehet Lubonja,i cili ngre pyetjet:

?Si ka mundësi që në një kohë kur Shqipëria vjen e boshatiset nga njerëzit dhe varfërohet në blerje, këtu ndërtohet gjithnjë e më shumë sipërfaqe ndërtimi për njerëzit??

Në dhënien e një përgjigje rreth kësaj pyetjeje Lubonja ngre dy hipoteza, duke i dhenë përparësi dakortësimi të dytës, por dhe duke bërë çudi me qëndrimin heshtës të opozitës.

Hipotëza e parë, shkruan Lubonja është se: këto sipërmarrje ndërtimi bëhen nga aventurierë që marrin para të madhe borxh nga bankat, një pjesë të të cilave e përdorin për ndërtimet, kurse tjetrën e fusin në xhepat e tyre.

??Hipoteza e dytë është se paratë me të cilat po ndërtohet nuk vijnë nga bankat por nga krimi i organizuar, shkurt nga trafikantët e drogës që skanë se ku ti investojnë dhe pastrojnë paratë e pista me lehtë në Shqipëri. Mund të kemi të bëjmë dhe më një kombinim të të dyjave por personalisht besoj se peshën më të madhe në bumin e fundit të ndërtimeve e ka kjo e dyta?, shkruan Lubonja. I cili nuk e anashkalon qëndrimin heshtës të opozitës, për të cilën dhënia me shumicë të pajustifikuar e lejeve nga Rama-Veliaj mund të shërbejë si një kazus i betejës së saj politike.

? Çuditërisht, opozita që deri dje uërinte për njerëzit e krimit në Parlament, nuk është dukur të reagojë për këtë projekt, i cili qendron në thelb të asaj se pse u mbush Parlamenti me njerëz të krimit. As PD, as LSI, as opozitat e reja që lindën nuk po reagojnë ndaj tij?, konstaton Fatos Lubonja në shkrimin e tij, duke konfirmuar atë që CityNews ka publikuar ditë më parë, kur fliste rreth një marrëveshjeje të heshtur midis Erion Veliajt dhe Lulzim Bashës me të vetmin motiv të interesit dhe përfitimit personal.