web counter
LEXO PA REKLAMA!

SHKARKO APP

App Store
Google Play

Seanca vendimtare e vettingut/ Gjyqtarët dhe Kuvendi përplasen në Kushtetuese

27 Shtator 2017, 11:41, Aktualitet CNA

Gjykata Kushtetuese do të vendosë  lidhur me vijimësinë e procesit të vetingut, ditën e nesërme, pasi anëtarët e saj do të shqyrtojnë tre paditë e depozituara nga Unioni i Gjyqtarëve, që kërkon rrëzimin e këtyre neneve të ligjit për vetingun: atë për statusin e gjyqtarëve dhe prokurorëve dhe ligjin për organet e reja të drejtësisë.

Burime të Unionit të Gjyqtarëve i thanë CityNews se seanca do të nisë në orën 10.00, të ditës së enjte dhe do të mbahet e hapur për publikun.

Kjo seancë është vijimësi e asaj të zhvilluar në muajin korrik 2017 ku Gjykata Kushtetuese vendosi datën 28 shtator 2017 për mbajtjen e seancës në të cilën do  të ballafaqojë pretendimet e palëve dhe do të vendosë nëse do të marrë parasysh apo jo kërkesën e Unionit të Gjyqtarëve.

Sikurse informojnë burime të Unionit në kërkesën adresuar Gjykatës dy janë pikat më kryesore, që, sipas tyre vijnë në kundërshtim me Kushtetutën. E para është përfshirja e ndërkombëtarëve në verifikimin e të shkuarës së tyre, në rastet kur ka vetëm dyshime e asnjë provë, dhe heqja e afatit për të dhenë dorëheqjen./CityNews





Lajmet e fundit nga