web counter
LEXO PA REKLAMA!

SHKARKO APP

E fundit!

x

Thaçi: Përfshirja e SHBA-së në dialogun me Serbinë është e domosdoshme

23 Shtator 2017, 16:16, Aktualitet CNA

Kosova është e vendosur të punojë së bashku me SHBA-në, për të konsoliduar pozitën e saj në komunitetin ndërkombëtar, duke forcuar raportet strategjike me komunitetin euro-atlantik, duke fituar më shumë njohje dhe anëtarësime në organizata ndërkombëtare.

Kështu ka deklaruar Presidenti i Republikës së Kosovës, Hashim Thaçi gjatë një takimi që ka zhvilluar në New York, me Ushtruesen e Detyrës së Ndihmës-Sekretares për Çështje Evropiane, Elisabeth Millard, dhe Zëvendës-Ndihmësin e Sekretarit amerikan të Shtetit, Hoyt Brian Yee.

Thaçi i falenderoi Millard dhe Yee për mbështetjen e fuqishme dhe marrëdhëniet speciale të Shteteve të Bashkuara të Amerikës për Kosovën.

Në takim u diskutua edhe për dialogun për normalizimin e marrëdhënieve ndërmjet Kosovës dhe Serbisë.

Thaçi theksoi se përfshirja direkte e SHBA-së në këtë fazë përfundimtare është e domosdoshme për të siguruar një marrëveshje përfundimtare të pranueshme dhe të zbatueshme për të dy palët e cila do të forcojë paqen dhe stabilitetin në rajon dhe më gjerë./ CityNews





Lajmet e fundit nga